O’zbekiston Respublikasi Prezidentining 2021-yil 19-mayda PQ-5117-sonli «O‘zbekiston Respublikasida xorijiy tillarni o‘rganishni ommalashtirishni sifat jihatidan yangi bosqichga olib chiqish chora-tadbirlari to‘g‘risida»gi qarori xorijiy tillar o’qituvchilari va talabalari uchun o’z maqsadlari yo’lida olg’a qadam tashlashlari va til ko’nikmalarini rivojlantirishga harakat qilishlari uchun ruhiy ko’mak bo’ldi.Qarorga koʼra 2021/2022 oʼquv yilidan boshlab taʼlim muassasalarining kamida C1 darajadagi milliy yoki xalqaro tan olingan sertifikatga ega xorijiy tillar oʼqituvchilariga ularning bazaviy tarif stavkasiga nisbatan har oylik 50 foiz miqdorida qoʼshimcha ustama haqi toʼlab boriladi.Xorijiy tillarni o’qitish va turli xalqaro sertifikatlar olish masalasi Buxoro davlat universiteti professor-o’qituvchilari va talabalari uchun ham muhim masalalardan biriga aylandi va turli o’quv kurslari tashkil etildi. Bu amaliy ishlar natijasida til o’rganuvchilar turli yutuqlarga erishishdi. Jumladan, Xorijiy tillar fakulteti Adabiyotshunoslik (ingliz) ixtisosligi 2-bosqich magistranti Haydarova Dilbar ingliz tilidan Xalqaro IELTS sertifikatini qòlga kiritib, umumiy 8 ball, C1 darajasiga ega bòldi. Talabamizni qo’lga kiritgan yutug’i bilan tabriklaymiz.BuxDU, Xorijiy tillar fakulteti jamoasi