Buxoro davlat universiteti rektori O.X.Xamidov 2021-2022-o`quv yili 1-yig`ilishida O'zbekiston Respublikasi Oliy va o'rta maxsus ta'lim vazirligining 2021-yil 6-avgustda o'tkazgan Hay'at majlisida ko’rilgan masalalar hamda universitetning yangi o’quv yiliga tayyorgarlik holati xususida gapirib, universitet faoliyatida bundan keyin raqamlashtirishga 100 foiz o`tish xususida topshiriqlar berildi. Universitet kengashining 2021/2022 o‘quv yili uchun ish rejasi va kengash a’zolarining yangi tarkibini tasdiqlash masalasi ko`rib chiqildi.Shundan keyin, Buxoro davlat universiteti huzuridagi Pedagogika instituti direktori M.I. Daminov so`zga chiqib, Pedagogika institutining 2021/2022 o‘quv yili uchun ish rejasi va kengash a’zolari tarkibini tasdiqlash xususida gapirdi. 2021/2022 o‘quv yiliga tayyorgarlik bo‘yicha amalga oshirilgan ishlar va dolzarb vazifalar to‘g‘risida O‘quv ishlari bo‘yicha prorektor v.b. R.G‘. Jumayev axboroti tinglandi.2021-yil avgust oyi holatida Buxoro davlat universiteti ilmiy-innovatsion faoliyati natijalari to‘g‘risida Ilmiy ishlar va innovatsiyalar bo‘yicha prorektor O.S.Qahhorov axborotida olib borilayotgan ilmiy ishlar, erishilgan yutuq va kamchiliklar, universitetning respublikada tutgan o`rni taqdimot tarzida yig`ilganlarga havola etildi.Yoshlar masalalari va ma’naviy-ma’rifiy ishlar bo‘yicha prorektor A.M. Kadirov O‘zbekston Respublikasi mustaqilligining 30 yilligini karantin qoidalariga rioya qilgan holda “Yangi O‘zbekistonda erkin va farovon yashaylik!” shiori ostida universitet miqiyosida nishonlash xususida olib borilayotgan ishlar haqida qisqacha ma’lumot berdi.Xalqaro hamkorlik bo‘yicha prorektor A.T.Jo‘rayev so`zga chiqib, Xalqaro hamkorlik hamda Xorijiy OTMlar bilan hamkorlik ishlarining tashkil etish bo‘yicha amalga oshirilgan ishlar va vazifalar to‘g‘risida yig`ilganlarga axborot berdi.BuxDU Matbuot xizmati