Bugun Buxoro davlat universiteti katta majlislar zalida Oliy ta’limdan keyingi ta’lim institutida tahsil olayotgan doktorant (DSc) va tayanch doktorant (PhD) larning navbatdagi ilmiy-uslubiy seminari o‘tkazildi.Seminarni Buxoro davlat universiteti rektori O.X. Xamidov kirish so'zi bilan ochib berdi. Doktorantlarning universitet ilimiy va o’quv faoliyatida faolroq ravishda ishtirok etishlari lozimligi ta’kidlab o’tildi. Doktorant (DSc) va tayanch doktorant (PhD)lar zamonaviy pedagog xodimlardan talab qilinadigan xususiyatlarga mos bo’lishlari lozimligi aytib o’tildi. Shuningdek, uniwork.buxdu.uz platformasiga ma’lumotlarni, ilmiy faoliyat natijalarini muntazam ravishda kiritib borishlari, bu holat o’z navbatida ularning o’zlari uchun qulaylik yaratishi ta’kidlandi.BuxDU Korrupsiyaga qarshi kurashish "Komplayens-nazorat" tizimini boshqarish bo'limi boshlig'i Y.K. QULIYEV tomonidan "Korrupsiyaga qarshi kurashish faoliyatini samarali tashkil etishga doir qo'shimcha chora-tadbirlar to'g'risidagi" Prezident qarori mazmuni va mohiyati tushuntirildi. Korrupsiya bu illat ekanligi, ayniqsa ta’lim sohasiga korrupsiya jamiyat uchun qanchalik xavf tug’dirishi aytib o’tildi.BuxDU Xalqaro hamkorlik bo‘yicha prorektori A.T.Jo'rayev tomonidan xorijiy davlatlardagi yetakchi oliy ta'lim muassasalarida stajirovka o'tash hamda malaka oshirishda yaratilgan sharoitlar to’g’risida ma’lumot berildi. Bu sohada universitet doktorant (DSc) va tayanch doktorant (PhD) larining faolligini oshirish ta'kidlab o'tildi. Zamon talabidan kelib chiqib chet tillarini puxta o’rganish lozimligi, chet eldagi soha bo’yicha nufuzli olimlarning ilmiy-tadqiqot faoliyatini o’rganishda til bilishning ahamiyati yuqoriligi aytib o’tildi.BuxDU Ilmiy ishlar va innovatsiyalar bo'yicha prorektori O.S. Qahhorov BuxDU doktorant (DSc) va tayanch doktorant (PhD) larning 2-chorak monitoring natijalari to'g'risida ma'lumot berib o'tdi. Har bir yil choragi yakunida (chorakdan keyin oyning 5-sanasigacha) monitoring natijalari Universitet Kengashi tomonidan ko’rib chiqilishi va tasdiqlanishi aytib o’tildi. Shaxsiy rejalarini bajarmagan izlanuvchilarga nisbatan tegishli qarorlar qabul qilishi mumkin. Shaxsiy rejalarini bajarmagan doktorantlarning faoliyati alohida ko’rib chiqilishi, ilmiy rahbar va tegishli kafedra mudirlariga tegishli choralar ko’rilishi hamda kamchililarni bartaraf etish bo’yicha chora-tadbirlar rejasi ishlab chiqilishi va Kengash tomonidan tasdiqlanishi ta’kidlandi. Shuningdek, joriy yilning 6 iyul sanasida doktorant (DSc) va tayanch doktorant (PhD) lar o’rtasida “Axborot texnologiyalari” hamda “Chet tili” fanlaridan bo’lib o’tgan test sinovlari natijalarining tahliliy ma’lumoti keltirildi. Natijalar qoniqarli ekanligi, doktorant (DSc) va tayanch doktorant (PhD) lar axborot texnologiyalari hamda chet tillaridan o’z bilimlarini muntazam ravishda oshirib borishlari lozimligi ta’kidlandi. Hamkorlik va yordam uchun rahbariyat eshiklari doimo ochiqligi, ilmiy-tadqiqot faoliyati bo’yicha yuzaga kelishi mumkin bo’lgan muammolar joyida ko’rib chiqilib, hal etilishi aytib o’tildi.Ilmiy-tadqiqot, innovatsiyalar va ilmiy pedagog kadrlarni tayyorlash bo‘limi
