24-avgust kuni xalqaro hamkorlik bo‘yicha prorektor A.Jo‘rayev jahondagi eng yirik ommaviy ochiq onlayn kurslar (MOOC) taʼminotchilaridan biri Coursera vakillaridan biri Shubhangi Sood bilan onlayn uchrashuv o‘tkazdi.Uchrashuvda Coursera platformasining oliy ta‘lim muassasalari uchun taqdim etayotgan imkoniyatlari tanishtirildi. Prorektor A.Jo‘rayev Buxoro davlat universitetida onlayn taʼlimni yo‘lga qo‘yish holati, raqamlashtirish bo‘yicha olib borilayotgan ishlar haqida, shuningdek UNIWORK platformasi to‘g‘risida maʼlumot berdi. Tomonlar almashilgan maʼlumotlar asosida hamkorlik yo‘nalishlarini ko‘rib chiqishga hamda yaqin kunlar ichida ushbu yo‘nalishlarni muhokama qilishga kelishib olishdi. Maʼlumot uchun: Coursera 2012 yilda AQSHning Stenford universiteti tomonidan ishlab chiqilgan ommaviy ochiq onlayn kurslar (MOOC) taʼminotchisi bo‘lib, onlayn kurslarni tashkil etish, sertifikatlash va akademik darajalar berish uchun oliy taʼlim muassasalari va boshqa tashkilotlar bilan hamkorlik qiladi. 2021-yil holatida 150 taga yaqin universitetlar Coursera orqali 4 mingtadan ortiq kurslarni taklif etishayotgani maʼlum.BuxDU Xalqaro hamkorlik bo'limi
