Yer yuzi aholisini bir yildan ortiq vaqt mobaynida arosatda qoldirgan “ko`rinmas yov” barcha sohalarda jiddiy xavf tug`dirishi barobarida inson salomatligiga o`nglash mushkul putur yetkazmoqda. Mamlakatimizda uch oydan buyon o`tkazilayotgan vaksinatsiya jarayoni fuqarolarimiz salomatligini saqlashda asosiy omil bo`lib kelyapti. Sog`liqni saqlash vazirligi tashabbusi bilan amalga oshirilayotgan #Men_vaksina_oldim aksiyasi Buxoro davlat universitetida ham davom etmoqda. Bugun BuxDUning Agronomiya va biotexnologiya fakulteti rahbariyati hamda BuxDU Yoshlar bilan ishlash, ma`naviyat va ma`rifat bo`limi xodimlari va Jismoniy madaniyat fakulteti bir qator professor-o`qituvchilari ham Koronavirusga qarshi emlandilar.