2021- yil 1-iyul kuni “Потребитель Бухара плюс” telegramm kanalida Buxoro davlat universiteti test markazida onlayn test shaklida olinayotgan yakuniy nazorat jarayonida yuz bergan holat yuzasidan xabar tarqatildi. Xabardagi suratlarda onlayn test vaqtida navbat kutib turgan talabalar aks ettirilgan.Universitet rahbariyati zudlik bilan ushbu masalani o‘rganib chiqdi hamda holatga quyidagicha munosabat bildiriladi.BuxDUda 2-semestr bo‘yicha barcha fanlardan yakuniy nazoratlar test shaklida tashkil qilingan. Ayrim guruhlar yakuniy nazorat vaqtidan ilgari yoki kech kelganligi sababli test markazi oldida yig`ilib turishgan. Jazirama issiq ekanligi inobatga olinib, test markazi oldida talabalar uchun quyosh nurlaridan saqlaydigan ko'chma kutish joylari tashkil etilmoqda. 70 dan ortiq kompyuterda yakuniy nazoratlar olinmoqda. Ta’lim tizimini shaffoflashtirish hamda raqamli iqtisodiyotga o`tayotganligimiz sababli, barcha yakuniy nazoratlar test shaklida amalga oshirilmoqda.Baholash masalasida o`qituvchining ishtirokini kamaytirish, ochiq-oshkoralikni ta’minlash maqsadida universitetda bir necha yildan buyon elektron qaydnoma tizimi qo‘llanib kelinadi. Testdan olingan natijalar elektron qaydnomaga kiritiladi.Talabalarimizdan holatni to‘g‘ri baholab, noto`g`ri ma’lumot bermasliklarini so‘raymiz.Buxoro davlat universiteti talabalar bilimini nazorat qilishda axborot kommunikatsion texnologiyalarni qo‘llash bo‘yicha faoliyatini takomillashtirishda davom etadi.BuxDU Matbuot xizmati
