Joriy yil 10-iyun kuni Buxoro davlat universitetiga Qirg’izistonning Talas davlat universiteti rektori Upenov Aybek Sheripbekovich boshchiligidagi 10 kishidan iborat delegatsiyasi tashrif buyurdi.Tashrifning asosiy qismi kunning birinchi yarmida bo’lib, unda delegatsiya a’zolari universitetda mavjud yaratilgan sharoitlar, olib borilayotgan o’zgarishlar, ta’lim jarayoni bilan tanishdi. Shuningdek, universitet va Buxoro tarixidan xabar beruvchi ikkita muzeyga tashrif buyurdi.Universitet tanishtiruvidan so’ng asosiy uchrashuv sifatida universitet rektori Xamidov Obidjon Xafizovich rahbarligida prorektorlar, fakultet dekanlari, xalqaro bo’lim xodimlari Talas davlat universiteti delegatsiyasini qabul qildi.O’zaro davra suhbati shaklida o’tgan yig’ilishda, har bir delgatsiya a’zosi o’zini tanishtirib, hamkorlikda ishlash yo’nalishlari, mavjud imkoniyatlar to’g’risida ma’lumot berib o’tdi. Shuningdek, BuxDU prorektorlari va dekanlari tomonidan ham o’z yo’nalishlari kesimida hamkorlikni yo’lga qo’yish bo’yicha takliflar berildi. Xususan, Talas davlat universiteti bilan hamkorlikda professor-o’qituvchilar va talabalar almashinuvini yo’lgan qo’yish, turli sohalarga oid mahalliy va xalqaro darajadagi konferensiya, seminar, vebinarlarni tashkil etish, ilmiy-tadqiqot ishlarini olib borish, xalqaro loyihalarda hamkor sifatida qatnashish kabilar kelishildi.Uchrashuv so’ngida, ikki tomon o’zaro hamkorlik shartnomasini imzoladi.BuxDU Xalqaro hamkorlik bo'limi
