22-aprel kuni Potsdam amaliy fanlar universiteti, Buxoro davlat universiteti, Toshkent arxitektura-qurilish instituti hamda Samarqand davlat arxitektura va qurilish instituti hamkorligida amalga oshirilayotgan, Germaniyaning akademik almashinuvlar xizmati DAAD tomonidan moliyalashtiriladigan “O‘zbekistonda madaniy meros obyektlarini muhofaza qilishda innovatsion uslublar va taʼlim transferi” loyihasi ishchi tartibdagi yig‘ilishi bo‘lib o‘tdi. Yig‘ilishda bir qator masalalar muhokama qilindi.1). Loyiha doirasida O‘zbekistondagi hamkor OTMlar talabalari va o‘qituvchilari uchun Potsdam amaliy fanlar universitetida ta‘lim olish va malaka oshirish uchun stipendiyalar tanlovi e‘lon qilingan edi. Mazkur tanlovlarga hujjat topshirish muddatini 10 may kunigacha uzaytirishga kelishildi.2). 28-aprel kuni Potsdam amaliy fanlar universiteti professori Shteffen Launing "Tahliliy yondashuv: Barqaror konservatsiya konsepsiyasi tamoyillari" mavzusida maʼruzasi o‘tkaziladi. Hamkorlar ushbu maʼruzalarni doimiy ravishda tashkil qilishga hamda barcha ishtirokchi OTMlardan maʼruzalar tashkil qilishga kelishib olishdi.BuxDU Xalqaro hamkorlik bo'limi
