“Digitalization of Higher Education in the Context of the Covid-19 Pandemic: Practices and Innovations in Higher Education in Bulgaria and the Countries of Central Asia (Kazakhstan, Uzbekistan, Kyrgyzstan, Tajikistan) and Iran” mavzusidagi xalqaro vebinar o‘tkazildi.2021 yil 29 may kuni Buxoro davlat universitetida Erasmus+ dasturining faol ishtirokchilaridan biri bo‘lgan Bolgariyaning Sofiya universiteti bilan hamkorlikda Xalqaro forum seriyasidan o‘rin olgan navbatdagi vebinar o‘tkazildi. Vebinar Covid-19 pandemiyasi kontekstida Oliy ta’limni raqamlashtirishda muammo va yechimlar o‘z aksini topgan bo‘lib, unda Bolgariya, O‘zbekiston, Qozog‘iston, Qirg‘iziston, Tojikiston va Eron davlatlari universitetlaridan ellikdan ortiq professor-o‘qituvchilar ishtirok etishdi. Har oyda bir marotaba bir mamlakatdan hamkorlar bilan o‘tkaziladigan ushbu loyihaning maqsadi so‘nggi bir yarim yil mobaynida pandemiya sharoitida Bolgariya, Markaziy Osiyo va Eronda oliy ta’limni raqamlashtirish jarayonini tanqidiy qayta ko‘rib chiqish, tahlil qilish va tajriba almashishidan iborat. Vebinarda Buxoro davlat universiteti rektori i.f.d., prof O.X.Xamidov, Sofiya universiteti Axborotlashtirish va Ilmiy xodimlar ishlari bo‘yicha prorektor PhD, professor E.Stefanova, Mumtoz va yangi filologiyalar fakulteti dekani, PhD, professor M.Danova, SU “Al-Farabi” markazi direktori V.Dobichina, Xalqaro ishlar bo‘yicha prorektor i.f.n., dotsent A.T.Jo‘rayev, Xalq ta’limi vazirligi vakili L.Xo‘jakulov, Toshkent pediatriya meditsina instituti Xalqaro aloqalar fakulteti dekani dotsent S.Nurxodjayev, Xorijiy tillar fakulteti Ingliz adabiyoti kafedrasi dotsenti, f.f.f.d. F.Xajiyeva ishtirok etib, mavzuga oid taqdimotlar qilishdi. Shuningdek, madaniy almashinuvni yo‘lga qo‘yish maqsadida vebinar davomida Bolgariya va O‘zbekiston madaniyati bilan bog‘liq videoroliklar namoyish etildi. Ma’ruzachilar sertifikatlar bilan taqdirlandi. Hamkorlikda o‘tkazilgan bunday vebinarlar Yevropa va Markaziy Osiyo, Eron kabi davlatlar OTMlari orasida ta’lim bo‘yicha global hamkorlikni rivojlantirish uchun yangi istiqbollarni ko‘zlab, xalqaro ta’lim dasturlarida ishtirok etishda mutaxassislarni jalb qilish orqali qo‘shma dasturlar va ilmiy loyihalarni yaratish uchun sherikchilik tarmog‘ini shakllantirishga zamin yaratadi.BuxDU Xalqaro hamkorlik bo'limi
