Avval xabar qilganimizdek universitetda magistrlik dissertatsiya ishi dastlabki himoyalari bo’lib o’tmoqda. 2021 yil 13-aprel kuni universitet kichik faollar zalida Maktabgacha va boshlang’ich ta’lim fakulteti 5A111801- Ta’lim tarbiya nazariyasi va metodikasi (maktabgacha ta’lim) hamda 5A111701- Ta’lim tarbiya nazariyasi va metodikasi (boshlang’ich ta’lim) mutaxassisligi 27 nafar magistratura talabalarining magistrlik dissertatsiyasi dastlabki himoyalari bo’lib o'tdi. MD dastlabki himoyasini o’quv ishlari bo’yicha prorektor M.I.Daminov ochib berdi, magistrantlarga omad tiladilar. Shundan so’ng ilmiy ishlar va innovatsiyalar bo`yicha prorektor O.S.Qahhorov so’zga chiqib bugungi kunning dolzarb muammlaridan biri bu kadrlarga bo’lgan ehtiyoj ekanligini va universitet kelajagi bitiruvchi magistrlarga bog’liq ekanligini takidlab o’tdilar.Shundan so’ng har bir magistr 7-10 daqiqa vaqt mobaynida o’zining MD dissertatsiya ishi bilan tanishtirib o’tdi. 2021 yilning mart oyida universitetning barcha fakultetlarida 23 ta mutaxassislik boyicha 248 nafar magistratura talabalariga MD ishining tayyorgarlik holati bo’yicha fakultet ilmiy seminarlari tashkil qilinib barcha magistratura talabalarining MD ishlari muhokamadan o’tkazilganligi sababli dastlabki himoyada magistrlar o’zlarining dissertatsiya ishlarini aniq, ravon tushuntira oldilar va berilgan savollarga to’liq javob berdilar. BuxDU Matbuot xizmati
