Ilm chegarasiz ummon, tubsiz quduqdir, uni to‘liq va mukammal egallashga inson umri kamlik qiladi. Bugun biz yashayotgan zamon har daqiqada innovatsion yangilik bilan yuzlashmoqda. Ayniqsa, ilm-fanda olamshumul bir qator yutuqlarga erishilmoqda.Muhtaram yurtboshimizning 2017 yil 20 apreldagi № PQ-2909 sonli “Oliy ta’lim tizimini yanada rivojlantirish chora-tadbirlari to‘g‘risida”gi, 2018 yil 5 iyundagi № PQ-3775 sonli “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi Qarorlari, 2017 yil 16 fevralь PF-4958-sonli “Oliy o‘quv yurtidan keyingi ta’lim tizimini yanada takomillashtirish to‘g‘risida”gi Farmonida oliy ta’lim muassasalari ilmiy salohiyatini mustahkamlash, ilm-fanni yanada rivojlantirish, professor-o‘qituvchilarning ilmiy-tadqiqot faoliyati samaradorligi va natijadorligini oshirish kabi qator vazifalar belgilab berilgan.Mana shunday muvaffaqiyatlarni qarshi olayotgan, ulkan fan olamida ilmiy maktab yarata olgan, intellektual salohiyatga ega bo‘lgan Buxoro davlat universiteti respublikada tayanch oliy ta’lim muassasasi hisoblanadi. Universitetda ilm-fanni yangi bosqichga ko‘tarish, fundamental tadqiqotlar yaratish, yangi nazariyalarni shakllantirish uchun so‘nggi 2 yilda yangi 15 ta ixtisoslik bo‘yicha 8 ta (PhD) falsafa fanlari doktori bo‘yicha ilmiy kengashlar faoliyatining yo‘lga qo‘yilganligi ham fikrimiz isbotidir.Necha yillardan buyon erisha olmagan imkoniyatlar sari bugun dadil qadamlar tashlandi. Zafarlarni mashaqqatsiz, zahmatsiz qo‘lga kiritish mushkuldir, albatta. Bu muvaffaqiyatlar yo‘lida ham ayrim omadsizliklarga yuzlandik. Insoniyat hayotini ko‘kda quyosh, erda olimlar yoritadi. Ilmli insonlar istiqomat qiladigan, faoliyat yuritadigan makonlar charog‘on hisoblansa, ma’rifatsizlar makoni, ularning istiqomat manzili zimistondir. Xalqimizda «Hamma narsa niyatga bog‘liq» degan ajib bir hikmat bor. Xolis bo‘lmagan niyat bilan narsaga haqiqiy baho berib bo‘lmaydi, haqiqat poydevoriga darz ketadi. Har qanday sinovlar esa insonlarni yanada toblantirib, maqsadlari sari ildam qadam tashlashga undaydi.Ezguliklarimiz natijasi bugun o‘z g‘alabasini ko‘rsatdi. Bu quvonarli tarixiy sana barchamizga o‘zgacha shukuh tuhfa etdi. Uzoq yillardan beri kutilayotgan olimlarimiz orzulari qanot qoqdi. Filolog olimlarimiz quvonchini bugun ta’riflashga til ojiz! O‘zbekiston Respublikasining «Ilm-fan va ilmiy faoliyat to‘g‘risida»gi Qonuni, «O‘zbekiston Respublikasi Vazirlar Maxkamasi huzuridagi Oliy attestatsiya komissiyasi to‘g‘risidagi Nizomi» va «Ilmiy darajalar beruvchi ilmiy kengash to‘g‘risidagi Nizomi» asosida O‘zbekiston Respublikasi OAK Rayosatining qarorlariga binoan Buxoro davlat universiteti xuzuridagi 10.00.01 – O‘zbek tili va 10.00.02 – O‘zbek adabiyoti ixtisosligi bo‘yicha filologiya fanlari bo‘yicha falsafa doktori (PhD) ilmiy darajasini beruvchi PhD.03/27.02.2020.Fil.72.09 raqamli Ilmiy kengashga filologiya fanlari doktori (DSc) ilmiy darajasini berish DSc.03/04.06.2021.Fil.72.09, shuningdek, 10.00.04. – Evropa, Amerika va Avstraliya xalqlari tili va adabiyoti hamda 10.00.06. – Qiyosiy adabiyotshunoslik, chog‘ishtirma tilshunoslik va tarjimashunoslik ixtisosligi bo‘yicha falsafa doktori (PhD) ilmiy darajasini beruvchi PhD.31.05.2019.Fil.72.03 raqamli Ilmiy kengashga filologiya fanlari doktori (DSc) ilmiy darajasini berish DSc.03/04.06.2021.Fil.72.03 raqamlari berildi.Iftixor bilan shuni ayta olamizki, Prezidentimiz tomonidan olib borilayotgan odilona siyosat har bir ilm ahlining manfaatiga xizmat qilmoqda. O‘z ta’lim muassasasida ilmiy tadqiqot himoyalarining o‘tkazilayotganligi professor-o‘qituvchilarimizga kuch-g‘ayrat bag‘ishlab, motivatsiya bermoqda. Berilayotgan va qo‘llab-quvvatlanayotgan bundan imkoniyatu shart-sharoitlar uchun hukumatimizga, Oliy va o‘rta maxcus ta’lim vazirligiga, Innovatsion rivojlanish vazirligiga hamda Oliy attestatsiya komissiyasiga minnatdorchilik bildiramiz. Aziz ustozlarimizning ilmiy ishlariga muvaffaqiyatlar tilaymiz. Filolog olimlarimizga chin qalbimizdan ehtirom bildiramiz. Ilm o‘rganishdan, ko‘zlagan maqsadlaringiz sari olg‘a qadam tashlashdan aslo charchamang, deb qolamiz!Hadisi sharifda olimlar shunday e’tirof etiladi: “Olimlar anbiyolarning merosxo‘rlaridir. Albatta, anbiyolar dinorni ham, dirhamni ham meros qoldirmaganlar. Ular ilmni meros qoldirganlar. “Kim o‘shani olsa, ulug‘ nasibani olibdi” – deganlar. Olimlarni farishtalar o‘rab turishini, ularning oyoqlari ostiga qanotlarini qo‘yib turishini hammaga anglataylik! Farishtalar havas qilgan odamlarga biz ham hasad emas, havas qilaylik, ular hurmat qilgan odamlarni biz ham hurmat qilaylik!”Buxoro davlat universiteti rektori,iqtisodiyot fanlari doktori, professor Xamidov Obidjon Xafizovich
