24-mart kuni xalqaro hamkorlik bo‘yicha prorektor A.Jo‘rayev Koreya xalqaro hamkorlik agentligi KOICAning O‘zbekistondagi ofisi vakili, ko‘ngilli o‘qituvchilar dasturi bo‘yicha katta menejer Pak Chansuk bilan uchrashdi.Uchrashuvda Janubiy Koreyalik ko‘ngilli o‘qituvchilarning qaytadan o‘z faoliyatlarini boshlashlari bilan bog‘liq masalalar muhokama qilindi. Pak Chansuk Buxoro davlat universitetida koreyalik o‘qituvchilar faoliyatini boshlaganiga 20 yilga yaqin muddat bo‘lganligi, universitet respublikamizdagi eng faol taʼlim muassasalaridan ekanligi, ko‘ngilli o‘qituvchilar uchun har doim yaxshi sharoitlar yaratib kelinganligi, shu sababli KOICA ushbu hamkorlikni doim qadrlashini taʼkidlab o‘tdi. Joriy yilgi pandemiya sababli, koreyalik ko‘ngilli o‘qituvchilarning qayta faoliyat boshlash uchun qaytib kelishlari masalasi yil oxirigacha mavhum bo‘lib turganligi maʼlum qilindi.Prorektor A.Jo‘rayev musiqa, turli sport turlari, jurnalistika, axborot texnologiyalari va boshqa yo‘nalishlarda ko‘ngilli o‘qituvchilar faoliyatini yo‘lga qo‘yish bo‘yicha ehtiyoj mavjudligini, ushbu yo‘nalishlarda o‘qituvchi uchun ariza topshirishlarini aytib o‘tdi. Shuningdek, KOICA bilan onlayn taʼlim, elektron kutubxona, malaka oshirish va stajirovkalar bo‘yicha loyihalar qilish bo‘yicha maʼlumotlar berildi. Pan Chansuk ushbu maʼlumotlarni KOICA ofisining loyihalar bo‘limiga yetkazishini aytib o‘tdi.Universitetda faoliyati yo‘lga qo‘yilayotgan “Raqamli iqtisodiyot va inson resurslarini rivojlantirish markazi” Pak Chansukda qiziqish uyg‘otdi. Prorektor A.Jo‘rayev markaz haqida maʼlumotlarni berib o‘tdi.Tashrif oxirida mehmonlarga yangidan rekonstruksiya qilinayotgan ARM binosi ko‘rsatilib, uning tarkibida amalga oshirish rejalashtirilgan ishlar bilan tanishtirildi. Shuningdek, ARM binosida KOICA loyihalarini yo‘lga qo‘yish imkoniyatlari mavjudligi taʼkidlandi.BuxDU Xalqaro hamkorlik bo'limi