Joriy yilning 29 may kuni universitetga kunning ikkinchi yarmida Pokiston Islom Respublikasining elchisi Janob Seyyed Ali Asad Gilani tashrif buyurdi. Tashrif davomida elchi janoblarini BuxDU rektori O.X.Xamidov boshchiligidagi universitet rahbariyati kutib oldi. Uchrashuv davomida universitet haqida ma’lumotlar, jumladan, o‘quv dasturlari (bakalavr, magistr, doktorantura), mavjud shart-sharoitlar, universitet infrastrukturasi haqida ma’lumotlar berildi. Shuningdek, Pokiston Islom Respublikasining xalqaro universitetlar reytinglarida 1000 talikda turgan OTMlari bilan o‘zaro hamkorlik qilishning asosiy yo‘nalishlar haqida takliflar berildi.Takliflarni ma’qullagan holda janob elchi Seyyed Ali Asad Gilani o‘zaro hamkorlikni o‘rnatish va rivojlantirish bo‘yicha qo‘shimcha takliflar bildirildi. Bir soatga yaqin davom etgan muloqotda, kelajakda Pokiston OTMlari va universitet o‘rtasida hamkorlikni kengaytirish masalalari kelishib olindi. Xalqaro hamkorlik bo‘limi