Buxoro davlat universitetiga bakalavriatning kunduzi va sirtqi taʼlim shakli boʼyicha test sinovlari 2020 yilning 2 sentyabridan boshlanishini maʼlum qilamiz.Test sinovlari ochiq stadionlarda oʼtkaziladi. BuxDUga hujjat topshirgan barcha abiturientlarga test oʼtkaziladigan kuni, vaqti va test oʼtkaziladigan joyi (ochiq stadion joylashgan manzil) abiturientning test markazida hujjat topshirish vaqtida platformaga kiritgan mobil telefoniga test boshlanishidan bir necha kun avval xabar yuboriladi. Shu bilan birgalikda abiturientlardan platformaga kiritgan mobil telefoni raqamini ish holatda boʼlishini nazorat qilishlaringizni iltimos qilamiz!Shuningdek, Sizning test oʼtkaziladigan kuni, vaqti va test oʼtkaziladigan joyi (ochiq stadion joylashgan manzil) haqidagi maʼlumot yaqin kunlarda qoʼshimcha ravishda maʼlum qilinadi! Test oʼtkaziladigan joylarga tashrif buyurishda karantin qoidalariga qatʼiy rioya etgan holda, yaqin qarindoshlarini xavfsizligini inobatga olgan holda yakka tashrif buyurish tavsiya etiladi!BuxDU Matbuot xizmati
