Sizlarni, sizlarning timsolingizda butun xalqimizni mamlakatimizda nishonlanayotgan qutlugʼ ayyom – Yoshlar kuni bilan chin qalbimdan samimiy muborakbod etaman. Mana shunday quvonchli kunda, avvalo, yurtimizda ayniqsa universitetimizda keyingi paytda yoshlar bilan ishlash boʼyicha mutlaqo yangi tizim yaratilgani, oʼgʼil-qizlarimizning ijtimoiy faolligi, Vatan va xalq taqdiriga daxldorlik hissi kuchayib borayotganini, zamonaviy, demokratik Oʼzbekiston davlatini barpo etishda navqiron avlodimizning munosib ishtirok etayotganini barchamiz minnatdorlik bilan eʼtirof etamiz.Kelajagimiz egalari boʼlgan yoshlarimizning qonuniy huquq va manfaatlarini taʼminlash, ularning orzu-intilishlari, qobiliyat va salohiyatini roʼyobga chiqarish biz olib borayotgan islohotlarning eng muhim va ustuvor yoʼnalishi boʼlib, bu yoʼlda ulkan ishlarni amalga oshirayotganimiz sizlarga yaxshi maʼlum, albatta.Yoshlar bilan ishlashni samarali tashkil etishda madaniyat, sanʼat, sport, axborot texnologiyalari, kitob oʼqishga qiziqishni oshirish boʼyicha 5 ta tashabbus boʼyicha Universitet jamoasi doimiy tarzda tuman va shaxarlarimizda ishlar olib bordi. Viloyat hamda tuman hokimliklari bilan hamkorlikda “5 ta tashabbus” boʼyicha tadbirlarni amalga oshirish maqsadida koʼplab katta tadbirlar oʼtkazildi, hamda ularda talabalarimiz qatori yosh professor – oʼqituvchilarimiz faol ishtirok etishdi.Bugungi kunda Harakatlar strategiyasi doirasida “Yoshlar – kelajak bunyodkori”, “Obod qishloq”, “Obod mahalla”, “Аqlli shahar” kabi keng qamrovli dasturlarni amalga oshirishda sizdek tashabbuskor, har bir masalaga yangicha yondashadigan oʼgʼil-qizlarimiz faol ishtirok etayotgani, hech shubhasiz, barchamizni xursand qiladi. Ishonaman, bunday ulkan bunyodkorlik jarayonlari yoshlarimiz ilgari surayotgan loyiha va tashabbuslarni yuzaga chiqarishda, ularning el-yurtimizga fidoyi rahbar va mutaxassis, haqiqiy shaxs va grajdan boʼlib shakllanishida beqiyos oʼrin tutadi.Аziz yoshlar !Oʼqish-oʼrganish, doimiy izlanish, ilm-fanga, taraqqiyot choʼqqilarini egallashga intilib yashash doimo hamrohingiz boʼlsin!Men sizlarning har biringizga el-yurtimiz faxrlanadigan, jonajon Oʼzbekistonimizning munosib farzandi, haqiqiy inson boʼlish baxti nasib etishini tilayman. Sizlarni Yoshlar kuni bilan yana bir bor samimiy tabriklab, barchangizga yangi yutuqlar, baxt va omad tilayman.Hamisha sogʼ-omon boʼling, aziz talabalar! Obidjon Xamidov – BuxDU rektori
