Oʼzbekiston Respublikasi Vazirlar Mahkamasining 2020 yil 7 fevraldagi 56-f-sonli farmoyishi bilan tasdiqlangan “Oʼzbekiston Respublikasida 2020 yilda xalqaro va respublika miqyosida oʼtkaziladigan ilmiy va ilmiy - texnik anjumanlar rejasi” hamda Oliy va oʼrta maxsus taʼlim vazirligining 2020 yil 13 fevraldagi “Vazirlik tizimidagi oliy taʼlim va ilmiy-tadqiqot muassasalarida 2020 yilda oʼtkaziladigan ilmiy va ilmiy-texnik anjumanlar rejasini tasdiqlash toʼgʼrisida”gi 116-son buyrugʼida belgilangan tadbirlar ijrosini taʼminlash maqsadida 2020 yil 30 may kuni Buxoro davlat universitetida “Talabalar maʼnaviyatini rivojlantirishning innovatsion mexanizmini takomillashtirish yoʼllari: muammo va yechimlar” mavzusida ilmiy-nazariy anjumani oʼtkazildi.Аnjumanning ilmiy yoʼnalishlari: 1.Talabalarni musiqa, adabiyot, teatr va sanʼatga jalb qilish mexanizmini takomillashtirish.2. Talabalarda jismoniy tarbiyani rivojlantirishning ilmiy-nazariy va amaliy innovatsion texnologiyalari3. Yoshlarda internet madaniyatishakllantirish texnologiyalari.4. Talaba-yoshlar oʼrtasida kitob mutoalasi va kitobxonlik madaniyatini oshirish mexanizmlari5. Talaba-yoshlarni kasb tanlash va kasbga yoʼnaltirishning innovatsion yoʼllari.Аnjumanning maqsadi va vazifalari – talabalar maʼnaviyatini yuksaltirish, taʼlim va tarbiya sifatini yaxshilash va samaradorligini takomilashtirish boʼyicha tavsiyalar ishlab chiqish, hamda Respublikada ushbu sohada erishilgan ilmiy natijalar amaliyotga tatbiq etish. Konferentsiyani Buxoro davlat universiteti rektori, iqtisod fanlari doktori, professor Obidjon Xafizovich Xamidov ochib berdi. Obidjon Xafizovich oʼz maʼruzasida sharq madaniyatining sarzamini boʼlgan Buxoroi sharif oʼzining buyuk mutafakkirlari, tarixiy yodgorliklari, muqaddas qadamjolari bilan dunyo tamaddunida oʼziga xos oʼrin egallaydi. Bu tabarruk zaminda tibbiyot ilmining sultoni Аbu Аli Ibn Sino, buyuk muhaddis Imom Ismoil al-Buxoroiy kabi buyuk allomalar, tasavvuf olamining mashhur benazir 7 pirlari yetishib chiqqanligi va ularning jahon hamda islom madaniyati taraqqiyotida tutgan oʼrni nihotda beqiyosdir.O. X. Xamidov oʼz nutqida haqiqatda ham boy, madaniy va tarixiy merosni oʼrganish, uni asrab avaylash, tadqiq qilish, avlodlarga yetkazish boʼyicha bu zaminda oʼziga xos tajriba toʼplanganligi taʼkidladi. Bugungi anjumanda Respublikamizning barcha hududlaridan sohaning malakali mutaxassislalari, olimlar, oliy taʼlim muassasalari professor-oʼqituvchilari, doktorantlar, talabalar, chet davlatlarda istiqomat qiladigan Oʼzbekistonlik yurtdoshlarimiz ishtirok etishdi. Shular bilan birga Rossiya davlatining Chelyabinsk davlat universiteti pedagogika fanlari doktori, professor S.B.Safaraliev, Janubiy Ural pedagogika davlat universiteti pedagogika fanlari doktori, professor O. G. Filippova, pedagogika fanlari doktori, professor I. G. Yemelyanova, pedagogika fanlari doktori, dotsent, Pedagogika va Psixologiya kafedrasi mudiri Ye.V.Gnatshena va 44-son umumiy oʼrta taʼlim maktabi oʼqituvchilari N. B. Novikova, O. Yu.Berdnikovalar oʼz loyihalari bilan ishtirok etdilar. Rossiya Federatsiyasining Jahon Yoshlar kengashining rasmiy vakili S.А.Bobin “Globallashuv davrida pedagogik taʼlim va uning xalqaro munosabatlarga taʼsiri” mavzusidagi maʼruzasi anjumanda oʼz aksini topdi. Oʼzbekiston Respublikasi Oliy Majlisi Qonunchilik palatasi deputati, filologiya fanlari nomzodi, professor T.R. Choriev “Kitobxonlik madaniyatini takomillashtirish sohasidagi islohotlar va uning ijtimoiy qonunchilikdagi oʼrni” mavzusidagi maʼruzasi hamda Buxoro davlat universitetining bir qancha ustozlari pedagogika fanlari doktori, professor Sh.Sh.Olimov, pedagogika fanlari nomzodi, dotsent B.Q. Xodjaevlar oʼz maʼruzalarida Koronovirus pandemiyasi davrida ham talaba yoshlarning taʼlim olishlari uchun hukumatmiz tomonidan kerakli barcha shart-sh aroitlar yaratib berilganligiga alohida toʼxtaldi. Bunday yaratilgan onlayn-anjumanlar professor-oʼqituvchilar va talabalar uchun katta imkoniyat boʼlishi bilan bir qatorda, yosh professor-oʼqituvchilar uchun Mahorat maktabi boʼldi. Mazkur loyihaning kelgusida ham davom ettirilishi va yosh professor-oʼqituvchilar malakasini oshirish tizimiga ham ushbu loyiha joriy etilishi zamonaviy taʼlim sari qoʼyilgan eng muhim qadamdir.Soʼzim yakunida Prezidentimizning quyidagi fikrlari, ayni vaqtda va har doim barchamiz uchun chuqur daʼvat boʼlishi lozim, deb oʼylayman: “Farzandlarimizning qobiliyatlarini roʼyobga chiqarshga yoshlikdan eʼtibor berib, ularning kamoloti uchun barcha imkoniyatlarimizni safarbar etsak, yurtimizda yana koʼplab Ibn Sinolar, Beruniylar, Ulugʼbeklar yetishib chiqadi. Bir haqiqatni hech qachon unutmaylik: biz buyuk tarix, buyuk davlat, buyuk madaniyat yaratgan xalqmiz. Biz hech qachon mehnatdan qochmaydigan, qiyinchilikdan qoʼrqmaydigan, adolatni qadrlaydigan, azmu shijoatli buyuk xalqmiz.Barchamiz bir tanu bir jon boʼlib, yakdil va ahil boʼlib harakat qilsak, yaxshi niyat bilan mehnat qilsak, har qanday marralarni egallashga, boshqacha aytganda, tariximizning yangi sahifasini yaratishga qodirmiz. Bu yoʼlda qanday qiyinchilik va mashaqqatlar boʼlmasin, barchasini mardona yengib oʼtishga tayyormiz. Bunday ezgu ishlarda bizga Yaratganning oʼzi, buyuk ajdodlarimizning pok ruhlari madadkor boʼladi, deb ishonaman”.BuxDU Matbuot xizmati
