2020-yil 13 mart kuni Buxoro davlat universitetida tahsil olayotgan iqtidorli, startap loyihalari mavjud hamda startap loyihalarga qiziquvchan talabalar bilan birgalikda seminar boʻlib oʻtdi. Seminarda ilmiy ishlar va innovatsiyalar boʼyicha prorektor O.S. Qahhorov, Turizm departamenti xalqaro aloqalar boʼlim boshligʼi M.R. Kamolov, Ilmiy innovatsiya ishlanmalarni tijoratlashtirish boʼlim boshligʼi B.X. Oʼrinov, iqtidorli talabalarning ilmiy-tadqiqot faoliyatini tashkil etish boʼlim boshligʼi F.B. Nurmuhammedovlar ishtirok etdilar. Ushbu seminarda Iqtisodiyot va turizm fakulteti 3-kurs talabasi Boboqulov Аbbos oʼzining "Turizim sohasida mobil ilova yaratish" loyihasini taqdim etdi. Loyihani rivojlantirish uchun oʼziga kerakli boʼlgan koʼrsatmalarni oldi. Fizika-Matematika fakulteti 2-kurs talabasi Baqoev Burxonning informatsion texnologiya yoʼnalishi boʼyicha onlayn kursini amaliyotga joriy etish imkoniyatlari muhokama qilindi. Bundan tashqari Oʻzbekistonda turizm va mahalliy rivojlanish oʻrtasidagi munosabatlarni oʻrganish, turizm sohasida yangi bilimlarga ega boʻlish, tajriba almashish va Buxoro viloyatida turizmni rivojlantirishga oʻz hissasini qoʻshish maqsadida kelgan Fransiyaning Parij shahridagi "Sorbonne" universiteti "Globallashuv, kosmik dinamika va rivojlanayotgan mamlakatlarda barqaror rivojlanish" mutaxassisligi boʻyicha magistratura bosqichida taʼlim olayotgan Loik Fremont ham seminarda ishtirok etdi. Buxoro davlat universiteti Matbuot kotibi Otabek Jalolov