Salomatlik muammosi mamlakatning ijtimoiy-iqtisodiy taraqqiyoti ko`rsatkichlaridan biri bo`lib, bu ekologik-iqtisodiy va ijtimoiy-gigienik farovonlikning o`ziga xosligi, fan-texnika taraqqiyoti hamda aholi madaniyati darajasi bilan o`zaro uzviy bog`liqdir. Gigiena tabobatning keng qamrovli sohasi bo`lib, u kishilar hayoti va salomatligi uchun zarur bo`lgan talablarni nafaqat tozalik nuqtai nazaridan, balki ularning turmushlarini go`zal, qulay, bexavf bo`lishligini ta’minlovchi masalalarni o`z ichiga oladi.Asr vabosi deya nom olgan OITS kasalligi va OIV infektsiyasining tarqalishiga qarshi kurashish maqsadida 2014 yil 26 noyabr kuni BuxDU qoshidagi 4-son akademik litseyda Ma’naviyat va ma’rifat bo`limi, Badiiy grafika fakulteti, «Ibn Sino salomatlik maskani» ma’rifat markazi, OITSga qarshi kurash markazi, viloyat Salomatlik va tibbiy statistika instituti, viloyat IIB voyagayetmaganlar orasida huquqbuzarlik va nazoratsizlikni oldini olish boshqarmasi, “Kamolot”yoshlar ijtimoiy harakati bilan hamkorlikda davra suhbati va talabalar o`rtasida ko`rik-tanlov o`tkazildi. Ko`rik-tanlovda g`olib bo`lgan talabalar rag`batlantirildi.Ushbu tadbirda BuxDU Ma’naviy-ma’rifiy ishlar bo`yicha prorektor A.M.Kado’rov, Tabiiy fanlar fakulteti dekani H.T.Ortiqova, OITSga qarshi markaz mutaxasisi D.Sattorova , Viloyat Salomatlik va tibbiy statistika instituti STT bo`lim boshlig`i A.Z.Mirzayeva, Viloyat IIB voyagayetmaganlar orasida huquqbuzarlik va nazoratsizlikni oldini olish boshlig`i A.A.Giyosov, BuxDU xotin –qizlar qo`mitasi raisi O.Adizova, Tabiiy fanlar fakultet xotin qizlar qo`mitasi raisi F.Fayziyeva, Tabiiy fanlar fakulteti ma’naviy –ma’rifiy ishlar bo`yicha dekan muovini D.Sh.Islomov, fakultet professor o`qituvchilari va barcha yo`nalish 2 kurs talabalari ishtirok etdi. Ma’naviyat va ma’rifat bo`limi boshlig`i A.Jumayev
