Мамлакатимизда сўнгги йилларида амалга оширилган кенг кўламли ислоҳотлар, миллий давлатчилигимиз ва суверенитетни мустаҳкамлашда, ҳуқуқ-тартибот ҳамда жамиятда қонун устуворлигини, инсонлар ҳуқуқ ва эркинликларини таъминлаш учун муҳим пойдевор бўлди, бу эса халқимизнинг муносиб ҳаёт кечириши учун зарур шарт-шароитлар яратмоқда.Давлатимиз томонидан ижтимоий соҳани ривожлантиришда таълим ва ўқитиш сифатини баҳолашнинг халқаро стандартларини жорий этиш асосида олий таълим муассасалари фаолиятининг сифати ҳамда самарадорлигини ошириш, олий таълим муассасаларига қабул квоталарини босқичма-босқич кўпайтириш, олий ўқув юртлари ва илмий-тадқиқот институтлари ҳузурида ихтисослаштирилган илмий-экспериментал лабораториялар, юқори сифатли технология марказлари ва технопаркларни ташкил этиш каби қатор қулайлик ва имкониятлар стратегияси белгилаб берилган ва бу вазифалар бугун босқичма -босқич амалга ошириб келинмоқда.Шунингдек, Олий таълим тизимида фаолият юритаётган ходимларнинг ойлик маошларини сўнгги бир йил ичида 3 маротаба ошириш бўйича қарорлар қабул қилингани, илмий фаолият билан шуғулланаётган ходимларни қўшимча устамалар билан таъминланаётганлиги муҳим аҳамият касб этмоқда.Сўнгги йилларда олий таълим тизимида олиб борилаётган ислоҳотларга қарамасдан, орамизда коррупция, таъмагирлик ва бошқа иллатларни касб қилиб олган профессор-ўқитувчилар ва ходимларнинг учраб туриши, бу аянчли ва жуда хунук ҳолатдир.Сўнгги йилларда мамлакатимизда коррупциянинг олдини олиш ва унга қарши курашиш, давлат ва жамият қурилишининг барча соҳаларида коррупциоген омилларга чек қўйишга қаратилган кенг кўламли ислоҳотлар изчил амалга оширилмоқда. Жумладан, жорий йил 29 июнда қабул қилинган “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида”ги ПФ-6013 Фармонда Давлат органлари зиммасидаги вазифа ва функцияларни бажаришда юзага келадиган коррупцияга оид хавф-хатарларни баҳолаш тизимини такомиллаштириш ҳамда давлат хизматига ҳалоллик стандартларини жорий этиш бўйича ишлар амалга ошириш, мамлакатда бюрократик тўсиқларни бартараф этиш ва «яширин иқтисодиёт»ни қисқартириш чоралари кўрилмоқда ҳамда «Коррупциясиз соҳа» лойиҳалари амалга оширилмоқда. Шу билан бирга, коррупцияга қарши курашиш самарадорлигини тубдан ошириш бўйича белгиланган вазифалар коррупция ҳолатларининг сабаб ва шарт-шароитларини аниқлаш, уларни бартараф этишнинг таъсирчан тизимини яратиш муҳим вазифалар қўйилди. Шунингдек, фармонга мувофиқ Коррупцияга қарши курашиш агентлиги ҳам ташкил этилди.90 йиллик тарихга эга бўлган Бухоро давлат университетида фаолият юритаётган раҳбар ходимлардан бошлаб, барча профессор-ўқитувчиларгача Олий таълим тизимида олиб борилаётган ислоҳотларга ўткир нигоҳ билан назар ташлаётганликлари аён. Илм фанга бўлган эътиборнинг кундан кун яхшиланиб, рақобатбардош кадрларга бўлган эҳтиёжнинг ошиб бораётганлиги баробарида, таълим сифатининг ошиши Ёшларимизга бўлган ишончнинг бир намунасидир.Қабул жараёнларида шаффофлик ва ойдинликни таъминлаш, коорупцияга қарши аёвсиз курашни талабалар ўқишининг биринчи курсдан то охирги курсига қадар барча фанларни ўзлаштириш, курс иши, битирув малакавий иши ва магистрлик диссертацияларини ҳимоя қилиш, олий таълимдан кейинги таълимда ҳам бирдек ташкил этамиз.Тарихдан илм маърифат ўчоғи бўлган Бухорои Шарифнинг отахон таълим маскани жонажон университетимизнинг нуфузи, обрў эътибори учун ҳамкор ташкилотлар, жамоатчилик ва ҳуқуқни муҳофаза қилувчи идоралар билан биргаликда ҳаракат қиламиз. Бу йўлда талаба-ёшларимиз, профессор-ўқитувчиларимиз – жамоамизнинг ҳар бир аъзоси бизга энг катта кўмакчи бўлишига ишонамиз.Коррупциянинг ҳар қандай кўринишларини содир этган университет жамоаси аъзоси – у ким ва қайси лавозимда ишлашидан қатъий назар, унга нисбатан “Қонун устувор – жазо муқаррар”лиги таъминланади.Обиджон ХамидовБухоро давлат университети ректори, и.ф.д. профессор
