Oʼzbekiston Respublikasi Prezidentining "Baliqchilik sohasini yanada rivojlantirishga doir qoʼshimcha chora-tadbirlar toʼgʼrisida"gi qaroriga asosan Buxoro viloyati Prokuraturasi, Ipoteka bank ATIB Buxoro filiali, Buxoro viloyat Davlat sanitariya-epidemiologiya stansiyasi va Buxoro davlat universiteti hamkorligida Buxorobaliq MChJda oʼquv-amaliy kurslar tashkil etildi.Ushbu o’quv-amaliy kurslar Buxoro davlat universiteti Agronomiya va biotexnologiya fakulteti Biologiya kafedrasi hamda Buxorobaliqchilik MCHJ hamkorligida universitetning professor-o'qituvchilari tomonidan Buxoro tumanidan 22 nafar, Vobkent tumanidan 47 nafar, Peshku tumanidan 12 nafar baliqchilik xo'jaligini yurituvchi fuqarolarga tashkil etildi.O’quv-amaliy kurslari birinchi kuni 2020 yilning 12 iyun kunida birinchi darslarni Buxoro davlat universiteti rektori Obidjon Xamidov ochib berdi. Har bir xo'jalik yurituvchi mas'ul shaxslar bilan shartnomalar tuzildi. Ushbu o’quv-amaliy kurslar xo'jalik shartnomalarining pullik tushumlari asosida tashkil etilmoqda. O'quv-amaliy kurslar zamonaviy pedagogik texnologiyalarni qo'llagan holda o’tishi relashtirilgan. Shuningdek, universitetning professor-oʼqituvchilari tomonidan Buxoro viloyati barcha tumanlardagi baliqchilik xoʼjaliklari vakillarini oʼqitish rejasi grafik asosida rejalashtirilgan.BuxDU Matbuot xizmati