Mamlakatimizda istiqbolli yoshlarni qoʼllab quvvatlashga eʼtibor “Kadrlar tayyorlash Milliy dasturi”ning asosiy tamoyillaridan biri hisoblanadi. Oliy taʼlim tizimidagi magistratura bosqichida talabalar nafaqat toʼliq oliy maʼlumotga ega boʼladi, balki ushbu bosqichda ilmiy faoliyat olib borishi, tadqiqotlarning vatanimizda olib borilayotgan bunyodkorlik ishlariga yoʼnaltirilganligi bilan alohida ahamiyat kasb etadi.Shu munosabat bilan 2020 yilning 15-may kuni Buxoro davlat universitetida magistrantlar va iqtidorli talabalarning “TАFАKKUR VА TАLQIN” mavzusidagi Respublika miqyosidagi onlayn ilmiy-amaliy anjuman oʼtkazildi. Kirish so'zini Buxoro davlat universiteti rektori Obidjon Xamidov ochib berib konferensiya ishtirokchilariga omad tiladi.Аyni paytda universitetimizda 24 ta mutaxassislikda 358 nafar ilmga chanqoq yoshlarimiz tahsil olmoqda. Ilm va fanni integratsiyalashtirish davr talabi ekanligi talaba yoshlarda oʼz sohalariga qiziqishini oshirdi. Natijada keyingi yillarda bir qator talabalarimiz davlat stipendianti yoki turli xalqaro tanlovlarning gʼolibi sifatida eʼtirof etilayotganligi quvonarli holdir. Oʼtgan bir yil davomida universitetimizda 16 ta ixtisoslik boʼyicha ilmiy darajalar beruvchi kengashlar oʼz faoliyatini boshladi. Bu esa oʼz navbatida ilmga intilayotgan yoshlarga imkoniyat eshiklari ochilganligidan dalolatdir.Yana shuni taʼkidlab oʼtish joizki xorijiy davlatlar bilan oʼrnatilgan xalqaro shartnomalar asosida 7 ta qoʼshma dasturlardan 4 tasi bevosita bakalavrlar tayyorlashga yoʼnaltirilgan boʼlsa, 3 tasi magistratura mutaxassisliklarini oʼzida qamrab olganligi bilan ahamiyatlidir. Bunday ishlarimiz kelajakda yanada kengayishiga shubha yoʼq. Muhtaram Prezidentimiz tomonlaridan ilgari surilgan Harakatlar strategiyasida ilm-fanning rivojiga alohida eʼtibor qaratilganligi barchamizni shijoat va mahorat bilan ilm choʼqqilari sari undaydi.Onlayn konferentsiyani tashkil etilishining asosiy maqsadlaridan yana biri, mazkur bitiruvchi magistrantlarni toʼliq ilmiy faoliyatga jalb qilish va buning natijasida yurtimizdagi barcha sohalarning rivojlanishiga erishishdir. 2019/2020 oʼquv yilida 23 ta mutaxassislik boʼyicha magistraturaga qabulni amalga oshirgan boʼlsak, 2020/2021 oʼquv yilida sohalardagi kadrlarga boʼlgan ehtiyojni oʼrganib chiqib, 33 ta mutaxassislik boʼyicha qabulni amalga oshirish rejalashtirilgan.Konferensiyada Respublikamizning barcha oliy taʼlim muassasalaridan fan doktorlari, professorlar oʼzlarining ilmiy yangiliklari bilan ishtirok etib maʼruza qildilar. Onlayn konferensiyada 200 ga yaqin ishtirokchilar ishtirok etdi. Magistrlar va iqtidorli talabalar oʼzlarining ilmiy ishlari doirasida maʼruzala qildilar.Onlayn konferensiyaga 300 dan ortiq maqola va tezislar kelib tushdi. Maqola va tezislar 1000 betlik toʼplam qilib chiqarildi.Oʼzbekistonning nufuzli oliy dargohlaridan biri Buxoro davlat universitetida tahsil olgan intelektual salohiyatga ega yoshlar bugungi kunda davlatimiz taraqqiyotiga oʼzlarining munosib hissalarini qoʼshib kelmoqdalar. Ishonamizki, kelajakda vatan ravnaqi va ilm fan taraqqiyoti uchun xizmat qilishga chogʼlanayotgan yoshlar orasidan oʼz ilmiy maktablariga ega boʼlgan olimlar fan fidoiylari yetishib chiqadi.Buxoro davlat universiteti matbuot xizmati