Asrlar osha shakllanib, avloddan-avlodga meros bo`lib kelgan milliy qadriyatlarimizdan biri bu – ommaviy bayramlar oldidan yurtimizda umumxalq hasharlarini o‘tkazish, obodonlashtirish tadbirlarini amalga oshirishdir.Prezidentimizning 2020 yil 3-mart sanasidagi “2020 yilgi Navro’z umumxalq bayramiga tayyorgarlik ko’rish va uni o’tkazish to’g’risida”gi qaroriga muvofiq 14-15 mart kunlari umumxalq hashari o‘tkazilmoqda.O`zida poklik, insoniylik kabi ezgu jihatlarni mujassam etgan hashar tadbirlari Buxoro davlat universitetida ham uyushqoqlik bilan tashkil etildi. Erta tongdan universitet hovlisiga saf tortgan xizmatchilarga tadbir hamda undan ko‘zlangan maqsad-vazifalar tushuntirilib, ularga zarur tavsiya va ko‘rsatmalar berildi.Shundan so‘ng, barcha fakultetlar, bo‘lim va xodimlari o‘zlariga biriktirilgan hududlarda obodonlashtirish, tozalash ishlarini boshlab yubordilar.Hashar davomida uchastkalarda уerlarni chopish, daraxtlarga shakl berish, bardyurlarni oqlash, supurish, chiqindilarni belgilangan hududlarga olib chiqish ishlari qizg‘in amalga oshirildi. O‘zaro hamjihatlik, inoqlik asosida tashkil etilgan xayrli tadbir natijasida, universitet hovlisi, xizmat xonalari ozoda, shinam va obod holga keltrildi. Umumxalq hasharida universitetning 1000dan ziyod talabalari hamda 500 dan ortiq professor-o’qituvchilar faol qatnashishmoqda. Universitet ichidagi yerlarda mevali hamda manzarali 400 dona daraxt ko’chatlari ekilmoqda. BuxDU matbuot xizmati
