Kuni kecha Buxoro davlat universiteti bosh yig`ingohida Buxoro davlat universiteti rektori O.X. Xamidov professor-o'qituvchilar, prorektorlar, dekanlar, kafedra mudirlari, talabalar hamda ularning ota-onalari bilan yig'ilish o'tkazdilar. Yig'ilishda universitet rektori so`zga chiqib bugungi kunda ta`lim tizimida bo`lib o`tayotgan o`zgarishlar, ta`limning shaffofligi va uning izchil tarzda olib borilayotganligi xususida to`xtalib o`tdilar. Shuning bilan bir qatorda, O.X. Xamidov talabalarning ota-onalariga ta`limdagi korrupsiyani oldini olish va u bilan kurashishda yakdil va hamjihat bo`lishga undadilar. Hozirda oliy ta`lim sohasining korrupsiyasiz sohaga aylanib borayotganligi, bu borada qator ishlar va choralarning ko`rilayotganligi hamda ta`limda korrupsiyaning uchrashi eng oliy jinoyat ekanligi haqida tushuntirish ishlari olib borildi. Uchrashuv so`ngida ota-onalar o`zlarini qiziqtirgan savollarga javob oldilar. Xulosa o`rnida shuni aytish mumkinki, korrupsiya jamiyat hayotidagi eng salbiy illat bo`lib, u mamlakatimizning porloq kelajagi uchun katta bir xatar hisoblanadi. Bu borada barchani hamjihatlik va birlikka chorlab qolamiz! Buxoro davlat universiteti Matbuot xizmati xodimi Javohir Saidov