Kuni kecha Buxoro Davlat universiteti, Tarix va madaniy meros fakulteti, “Milliy g’oya, ma’naviyat asoslari va huquq ta’limi” kafedrasi tomonidan Beshta muhim tashabbusning to’rtinchi tashabbusi doirasida “Kitoblar orzu - istak tug’diradi” nomli davra suhbati tashkil etildi. Davra suhbatida BuxDU, Tarix va madaniy meros fakulteti “Milliy g’oya, ma’naviyat asoslari va huquq ta’limi” kafedrasi mudiri F.D. Muzaffarov, “Milliy g’oya, ma’naviyat asoslari va huquq ta’limi” kafedrasi professor-o’qituvchilari N.B. Maxmudova, B.S. Turdiyev hamda 5-3 MG’H-17guruh talabalari qatnashdilar. Davra suhabatini kirish so’zi bilan, “Milliy g’oya, ma’naviyat asoslari va huquq ta’limi” kafedrasi mudiri F.D. Muzaffarov boshlab berib, davra suhbati ishtirkchilarini shoh va shoir Zahriddin Muhammad Bobur tavalludining 537 yilligi bilan tabriklab, Boburning hayot va ijod yo’li, uning vatanparvarligi, komillikka undovchi asarlari, betakror she’riyati, u ilgari surgan fikrlarning yoshlar tarbiyasida ham muhim ahamiyatga egaligi haqida ma’ruza qildi.Shundan so’ng, kafedra katta o’qituvchisi F.Sh. Abdullayeva so’zga chiqib, mamlakatimizda so’nggi yillarda kitob mutolaasi va kitobxonlik madaniyatini yuksaltirish borasida amalga oshirilayotgan so’nggi o’zgarishlar, ularning jamiyat ma’naviy hayoti yangilanishiga xizmat qilayotganligi ta’kidlandi. Jumladan, Prezidentimiz Shavkat Mirziyoyevning 2017 yil 13 sentyabr kuni qabul qilingan PQ-3271 sonli “Kitob mahsulotlarini nashr etish va tarqatish tizimini rivojlantirish, kitob mutoaalasi va kitobxonlik madaniyatini oshirish hamda targ’ib qilish bo’yicha kompleks chora-tadbirlar dasturi to’g’risida”gi qarorlari va uning doirasida belgilangan vazifalar ham yurtimizda kitob mahsulotlarini chop etish, aholining kitobxonlik madaniyatini yuksaltirish borasida katta o’zgarishlarga zamin yaratganligi e’tirof etildi. Shuningdek, kafedra o’qituvchisi B.S. Turdiyev so’zga chiqib, 2019 yil 10 dekabrda Stokgolmda o’tkazilgan Nobel mukofotining adabiyot yo’nalishidagi sovirondorlari 2019 yil uchun avstriyalik yozuvchi Peter Xandkega, 2018 yil uchun esa polshalik yozuvchi Olga Tokarchukka topshirilganligi haqida to’xtalib o’tdi va talabalar o’qishlari uchun BBCning – 2019 yilgi reytingidagi insoniyat tarixidagi eng sara 100 ta kitoblar ro’yxati taqdim etildi. Kafedra dotsenti N.B. Maxmudova Robert Almeyevning “Родословная Бухарской семьи Камиловых” nomli kitobining taqdimotini o’tkazdilar. Suhbat jarayonida Buxorolik Kamilovlar oilasining silsilasi, bu oila vakillarining hayoti va faoliyati, jumladan, oilaviy fotosuratlar, kitoblar xususida ma’lumot berildi. Davra suhbati yakunida “Beshta muhim tashabbus” madhiyasi tinglandi. Umuman olganda, davra suhbati taasurotlarga boy tarzda o’tdi. Fotolavhalar: BuxDU matbuot xizmati xodimi: Javohir Saidov