O'zbekiston Respublikasi Bosh vaziri tomonidan 2019 yil 21 noyabrda tasdiqlangan 05/1-3651 sonli ("Orol bo'yi-ekologik innovatsiyalar va texnologiyalar hududi") qarori yuzasidan hamda 2019 yil 25 oktabrda Nukus shahrida o'tkazilgan Xalqaro konferensiyada berilgan taklif ijrosini ta'minlash maqsadida BuxDU rektori O.X. Xamidov tomonidan "Biz tabiat uchun mas'ulmiz" nomli ekologik aksiya tashkil etildi. Maskur aksiya yuzasidan Tabiiy fanlar fakulteti ekologiya va geografiya kafedrasi mudiri Xolov, kafedra katta o'qituvchisi Ne'matov A.N, mazkur fakultetning 20 dan ortiq talabalari hamda Xalqaro turizm va mehmonxona menejmenti fakultetining bir necha talaba yoshlari Qoraqalpog'iston Respublikasiga tashrif buyurdi. Aksiyaning ilk kunida ishtirokchilar Qoraqalpog'iston davlat universiteti hamda san'at muzeyiga borishdi. QQDUga tashrif davomida mazkur OTM ning tabiiy fanlar fakulteti dekani Idris Yakubovich hamda universitet ma'muriyati xodimlari mehmonlarni kutib olishdi. Universitet shart-sharoitlari bilan tanishgan Buxorolik mehmonlar Qoraqalpog'iston davlat universiteti (QDU) talabalari va professor-o'qituvchilari bilan birgalikda universitet yer maydoniga do'stlik aloqalarini yanada mustahkamlash maqsadida BuxDU tomonidan keltirilgan 30 ga yaqin mevali daraxt (tut) nihollarini o'tqazishdi. Kunning ikkichi yarmida esa Buxorolik yoshlar san'at muzeyiga tashrif buyurishdi. Aksiyaning ikkichi kuni esa Mo'ynoq tumanida o'tishi kutilmoqda.
