Muhtaram Prezidentimiz Shavkat Mirziyoyev ota-onasiz, jismoniy harakatida nuqsoni boʻlgan bolalar uchun koʻplab qulayliklar yaratib bermoqdalar. Ularni kundalik mahsulotlar bilan taʼminlabgina qoʻymay, ularning puxta bilim egallashlari uchun ham shart-sharoitlarni yaratib berganlar.Bunday savobli ishlarni davomi sifatida Buxoro davlat universiteti Ingliz adabiyoti kafedrasi oʻqituvchisi Safarova Z. T. boshchiligida 11-6-18 guruhi talabalari Mehribonlik uyi bolalari holidan xabar olish uchun 32-sonli Mehribonlik uyiga tashrif buyurdi. Guruh talabalari qorbobo va qorqiz siymosida balalarni qutlab, ularga yangi yil sovgʻalarini taqdim etdilar. Bunday quvonchli tashrif mehribonlik uyi bolalari ijrosidagi kuy va qoʻshiqlar bilan davom etdi. Kichik yoshdagi bolalarning raqslari hammaning koʻnglini quvonchga toʻldirdi . Talabalar ishtirokida mehribonlik uyi bolalari bilan koʻngilochar oʻyinlar uyushtirildi. Tadbirdan soʻng mehribonlik uyi tarbiyachilari mehmonlarga oʻz minnadorchiligini bildirishdi.