Universitetimizning xalqaro hamkorlik boʻyicha prorektori A. Joʻrayev Hindiston poytaxti Dehli shahrida oʻtkazilgan “Oliy ta’lim sammiti”da ishtirok etdi. Tadbirning tashkilotchilari Hindiston inson resurslarini rivojlantirish vazirligi, Savdo va sanoat vazirligi, Xizmatlar eksportini ragʻbatlantirish kengashi kabilar edi. Sammitda Hindistonning 100 dan ortiq OTM va sohaga oid tashkilotlari ishtirok etishdi.Shuningdek, xorijiy 60 ta davlatdan 250 nafardan ortiq vakil taklif qilingan boʻlib, O’zbekistondan BuxDU, TDShI, TDPU vakillari qatnashishdi. Tadbirning ochilishida Hindiston Prezidenti Ram Nath Kovind nutq soʻzladi.Sammit doirasida Joʻrayev A.T. tomonidan 70 ga yaqin OTM va tashkilotlar bilan uchrashuvlar oʻtkazildi. Hindistonning yetakchi OTMlaridan hisoblanuvchi, yaqin yillar ichida jahon reytinglarida yuqori 1000 talikka kirishi rejalashtirilgan Chandigarx universiteti bilan hamkorlik memorandumi imzolandi. Rurkidagi Hindiston texnologiya instituti (Times reytingida - 501-600 oʻrin, QS da – 383 oʻrin), Tapar muhandislik va texnologiya instituti (Times - 601-800, QS - 801-1000), Vellor texnologiya instituti (Times - 1001+, QS - 801-1000) kabilar bilan hamkorlik boʻyicha kelishib olindi.Buxoro viloyati bilan hamkorlik qilayotgan Gujarat shtatining Gujarat universiteti, Marvadi universiteti, Pandit Deyandal neft universiteti, Marvadi universiteti bilan muzokaralar olib borildi va hamkorlik qilishga kelishib olindi. Masalan, PDNU da 1 mVtlik quyosh energiyasi stansiyasi mavjud boʻlib, hamkor tomon BuxDU tadqiqotchilarni qabul qilishga roziliklarini ma’lum qilishdi.Hindistonga tashrif davomida Oʻzbekistonning Hindistondagi elchixonasiga ham tashrif buyurilib, BuxDU nomidan elchi Farhod Arziyevning faoliyatiga muvaffaqiyatlar tilandi.Shuningdek, Yevroosiyo milliy universitetida (Qozogʻiston) oʻtkazilgan "Talaba va yosh oʻqituvchilarning BTM-2030 ni amalga oshirishdagi ishtiroki" xalqaro konferensiyasida onlayn tarzda ishtirok etildi. Hindiston oliy ta’lim tizimi toʻgʻrisida asosiy ma’lumotlar:
