Kuni kecha Buxoro davlat universiteti Аxborot texnologiyalari kafedrasining kafedra kuni doirasida Аxborot xavfsizligi va uni himoyalash mavzusida tadbir tashkil qilindi. Tadbirni fizika-matematika fakultetining dekani Joʼraev H.O. ochib berdilar. Talabalarga zamonaviy axborot texnologiyalari bilan ishlashda axborot xavfsizligiga e`tibor berish zamon talabi ekanligi va axborot texnolgiyalarining hozirgi zamondagi oʼrni haqida qisqacha toʼxtalib oʼtdilar. Soʼngra kafedra mudiri Jalolov O.I. soʼzga chiqib, talabalarga bugungi oʼtkazilayotgan tadbir mavzusining naqadar ahamiyatli ekanligi va dolzarblik jihatlari toʼgʼrisida gapirdilar. Soʼngra Аxborot texnologiyalari kafedrasi oʼqituvchilari Taxirov B, Shirinov Z, Ergashev А lar axborot xavfsizligi va shifrlash kabi tushunchalarni taqdimotlar yordamida yoritib, talabalardan berilgan savollarni toʼliq tahlil qilib berishdi. Tadbirda axborot xavfsizligi va tashkil etuvchilari, axborotni muhofaza qilish, himoyalangan axborotga tahdidlar, axborotlarni muhofaza qilishga kompleks yondashuv va uni amalga oshirish chora-tadbirlari; axborotni muhofaza qilishning asosiy obʼektlari, O`zbekiston Respublikasida axborot xavfsizligi va maʼlumotlarni muhofaza qilishga oid normativ-huquqiy hujjatlar, axborot himoyasi sohasida xalqaro standartlar, maʼlumotlarni ruxsatsiz olishning obʼektlari, usullari va vositalari, himoyaning texnik vositalari, maʼlumotlar chiqib ketish texnik kanallari tasnifi, maʼlumotlarni tutib olish, kriptografiya va kriptotaxdil, shifrlar va ularning xossalari, shifrlovchi dasturlar, elektron raqamli imzo, maʼlumotlarni himoyalashning apparat-dasturiy vositalari, axborotni muhofaza qilishning davlat tizimi, uni amalga oshiruvchi qonun, normativ xujjatlar, yetakchi chet el mamlakatlarida axborot xavfsizligini taʼminlash tizimlariga oid fikrlar bildirildi. Ergashev А. axborot xavfsizligi va ma`lumotlar bazasi, SQL tili haqida qiziqarli ma`lumotlarini talabalarga juda chiroyli tarzda yetkazib berdilar. Oʼqituvchi Shirinov Z.esa talabalarga Sezar shifri yordamida ingliz alifbosida shifrlangan matndan alifboni siljitish tartibini aniqlash musobaqasini tashkil qildilar. Bunda 1.1 ISO-10 guruhidan Rashidova S va Gulboeva G., 1.1-PMIK-16 guruhidan Ravshanov Sh va Karimova F, 1-2 PMIK-18 guruhidan Farmonov S. va Xodjaev Oʼ. kabi talabalar ushbu musobaqada qatnashdilar hamda gʼolib 1-1PMI-18 guruh talabasi Idieva Sh. deb topildi. Har bir chiqishlar orasida Oʼzbekiston Badiiy Akademiyasi tasarrufidagi ixtisoslashtirilgan san`at maktab-internati musiqa boʼlimi oʼquvchilari ustozlari Boboev Hayot Yusupovich bilan birgalikda turli qoʼshiq va musiqalarni tadbir qatnashchilariga taqdim qilib borishdi. Bunda ularning jonli ovoz bilan qoʼshiqlarni ijro qilishlari hamda tayyorlangan qoʼshiqlarning chiroyli ovoz bilan jonli musiqada ijro etilishi barcha qatnashchilarda katta taassurot qoldirdi hamda ularni tinimsiz qarsaklar bilan qoʼllab-quvvatlab turishdi. San`at maktabining Nornazarov Аzizbek, Qodirov Fayozjon, Kuchmurodov Olimbek, Toʼxtaev Lazizbek, Haydarov Suxrob, Ismoilov Ibratbek, Shamsiddinov San`atbek kabi oʼquvchilari ustozlari rahbarligida turli qoʼshiqlar bilan chiqishlar qilishdi.
