Kuni kecha ijtimoiy tarmoqlarning “Потребитель Бухара” telegram kanalida “Аssalomu aleykum! Bizlar Buxoro davlat universitetida o'qiymiz. Xozir sessiya vaqti va yakuniy nazoratlar test asosida olinadi. Biroq xozirgi vaqtda universitet test binosida qandaydir muammolar mavjud...” nomli maqola joylashtirildi. Buxoro davlat universiteti rahbariyati hamda matbuot xizmati tomonidan bu maqola tafsilotlari batafsil oʼrganilib chiqildi.Hozirgi vaqtda universitet talabalari ayrim fanlardan yakuniy nazoratlarni test shaklida universitet test markazida topshirmoqdalar. Test nazoratlari sifatli o'tkazilishi uchun test markazi xodimlari va nazorat komissiyasi doimiy faoliyat olib borishmoqda. Gap shundaki universitet test markazining serveri toʼgʼridan-toʼgʼri internetga ulangan hamda test nazoratini topshirib chiqqan talabaning bahosi oʼsha vaqtni oʼzida universitetning elektron qaydnomasi tizimiga avtomatik tarzda o'tkaziladi.20 yanvar kuni nomaʼlum shaxslar tomonidan universitet test markazi serveriga kiber Ddos hujumlar amalga oshirilgan. Ushbu kiber hujumlar asosida serverga juda koʼp soxta soʼrovlar yuborilishi tufayli juda katta yuklama vujudga kelgan. Shu kunning oʼzida test markazi xodimlari, universitet ATM bo'limi mutaxassislari bilan birgalikda yuzaga kelgan muammoni bartaraf etishdi. Hozirgi vaqtda barcha fakultet guruhlari talabalari oʼzlariga belgilangan vaqtlarda test markaziga kelib yakuniy nazoratlarini topshirishmoqda.Shu va shunga o’xshash vaziyatlar to'g'risida o'z vaqtida universitet maʼmuriyatiga yoki elektron qabulxonaga murojaat etilsa muammoni tez bartaraf etishga hissa qo’shgan bo’lasiz!Test bo’yicha barcha eʼtirozlar universitetning o'quv-uslubiy boshqarmasida qabul qilib olinadi va koʼrib chiqiladi. Yuzaga kelgan noqulayliklar uchun universitet maʼmuriyati uzr soʼraydi va bu kabi kamchiliklarni oldini olish choralarini ko'radiBuxoro davlat universiteti Matbuot xizmati
