Buxoro davlat universiteti Xorijiy tillar fakulteti Ingliz adabiyoti kafedrasi professor-oʼqituvchilari N.F. Qosimova (PhD), F.M. Xajieva (PhD), M.B. Аxmedova tashabbusi bilan 16 dekabr kuniDehli universiteti professori doktor Ravinder Gargesh Xorijiy til va adabiyot taʼlim yoʼnalishi 1-bosqich talabalariga “Аdabiyotshunoslikka kirish” va 4 - bosqich talabalariga “Stilistika va matn tahlili” fanlaridan ochiq maʼruza oʼtkazdi. Maʼruzaning maqsadi adabiyotshunoslik va stilistika sohalaridagi yangi tendentsiyalar va yondashuvlarni, xalqaro meʼyorlar va qonuniyatlarni, zamonaviy ilmiy nazariyalarni talabalarga yetkazishga qaratilgan. Maʼruzadan soʼng Ingliz adabiyoti kafedrasi professor oʼqituvchilari doktor Ravinder Gargesh bilan suhbat olib borishdi va shu jarayonda bahs va munozara shaklida fanlarning nazariy muammolariga nisbatan fikr munosabat bildirildi. Oʼzbekiston-Hindiston oliy taʼlim muassasalari olimlari oʼrtasida ilmiy dialog oʼrnatilib, keyingi tadqiqotlarda ushbu sohalardagi qarashlarga chuqur ahamiyat berish va hamkorlikda ilmiy-amaliy faoliyatni amalga oshirish rejalashtirildi.
