Prezidentimizning 5 ta muhim tashabbuslari doirasida Pedagogika fakulteti va viloyat xalq ta’limi boshqarmasi bilan birgalikda “Yаxshilik bizni kutmoqda” mavzusidagi musiqiy kecha uyushtirildi.Insonlar o‘zi yashab turgan jamiyatdagi barcha insonlarga ezgulik va yaxshiliklar ulash sa’yi-harakatida bo‘lishi insoniylik belgisidir. Bir kishiga tabassum ila yaxshi so‘z aytish ham yaxshilikdir. Yаxshilikka olib boruvchi ishlar esa nihoyatda ko‘p.Ana shunday ezgulik maqsadni amalga oshirish uchun maqsadida “3-dekabr-Xalqaro nogironlar kuni”ga bag‘ishlab, Buxoro davlat universiteti Pedagogika fakulteti hamda viloyat xalq ta’limi boshqarmasi bilan birgalikda “Yаxshilik bizni kutmoqda” mavzusidagi musiqiy kecha tashkil etildi. Yаxshiliklar ulashish shiori ostida o‘tkazilgan ma’naviy-ma’rifiy tadbir jamiyat ko‘magiga muhtoj, orzu-umidlari ko‘p ammo qalbi o‘ksik bolajonlarni ko‘nglini ko‘tarishga xizmat qildi.Tadbirda imkoniyati cheklangan maktab o‘quvchilari tomonidan yaratilgan xalq amaliy san’ati hamda rasmlar ko‘rgazmasi tashkil etildi.Pedagogika fakulteti 4-2PPS-18 guruh talabalari tomonidan tayyorlangan yaxshilik ulashish aksiyasi hamda Buxoro shahridagi 23, 24, 27 va va 123-kar va zaif eshituvchi bolalar uchun ixtisoslashtirilgan maktab internatining musiqiy chiqishlari yig‘ilganlarga unutilmas ta’surotlar qoldirdi.Buxoro davlat universiteti Matbuot kotibi Otabek Jalolov
