Oʼzbekiston Respublikasi Prezidenti Аdminstratsiyasining 2019 yil 11 oktabrdagi topshirigʼi ijrosini taʼminlash yuzasidan maktablarga metodik yordam berish hamda oʼquv-tarbiya jarayonlarining sifatini oshirish maqsadida Respublika miqiyosida oliy taʼlim muassasalari umumtaʼlim muassasalariga biriktirilib, “Maktab-oliy oʼquv yurti” hamkorligi yaxshi yoʼlga qoʼyildi.Bundan koʼzlangan asosiy maqsad, umumtaʼlim maktablari faoliyatini takomillashtirish, oʼqituvchilarning kasbiy va pedagogik mahoratini, oʼquvchilarning ilm-fan va kasb-hunarga qiziqishini oshirish, oliy taʼlim muassasalari va umumtaʼlim maktablari oʼrtasidagi oʼzaro hamkorlik aloqalarini mustahkamlashdir. Shu munosabat bilan Buxoro davlat universiteti Pedagogika kafedrasi hamda Peshkoʼ tumani 21-maktab jamoasi va oʼquvchilari bilan hamkorlikda "Men sevgan qahramon" nomli kitobxonlik tadbiri o'tkazildi. Iqtidorli oʼquvchilar orasidan oʼqituvchilikka qobiliyati bor, pedagoglik kasbini tanlash istagini bildirganlar bilan alohida suhbat oʼtkazildi. Suhbat davomida Pedagogika fanining nozik qirralari haqida qatnashchilarga maʼlumot berish bilan bir qatorda ularni qiziqtirgan savollarga ham atroflicha javob berildi.