Kuni kecha Maktabgacha va boshlangʼich taʼlim fakulteti Boshlangʼich taʼlim nazariyasi kafedrasida oʼtkazilgan “Eng faol bilimdon kitobxonlar” tanlovning fakultet bosqichi bo`lib o`tdi. iBugungi taʼlimga, kitobxonlikka katta eʼtibor berilayotgan davrda talaba yoshlar oʼrtasida ham targʼibot-tashviqot ishlari keng koʼlamda olib borilyapti. Xususan, Oʼzbekiston Respublikasi Prezidenti Sh.M.Mirziyoev tomonidan ilgari surilgan 5 muhim tashabbusda ham kitobxonlik madaniyatiga alohida eʼtibor qaratilgan. Bugungi tadbirda har ikkala guruh talabalariga ham omad yor boʼlishini tilab qolaman.Tadbirni fakultet ishchi guruh rahbari, filologiya fanlari nomzodi, dotsent B.S.Jamilova koʼrik-tanlov shartlarini oʼqib eshittirish bilan davom ettirdi va hayʼat aʼzolari bilan yigʼilganlarni tanishtirib oʼtdi. Dastlab 14-2 BTU-16 guruh talaba qizlarining chiqishlari boʼlib oʼtdi. Talabalardan Haydarqulova Mahliyo va Fayzullaeva Fazilat yozuvchining hayoti va ijodi, asarlari haqida oʼzlari tayyorlagan slaydlar orqali maʼlumot berdi. Chingiz Аytmatovning “Chingizxonning oq buluti”, “Аsrga tatigulik kun”, “Qiyomat”, “Oq kema”, “Jamila” kabi asarlari yuzasidan tanlov shartlariga koʼra kichik guruhlar oʼrtasida musobaqa, munozara va bellashuv uyushtirildi. 14-3Btu-16 guruh talabalari Muhammad Yusufning tarjimai holi, Vatan mavzusiga bagʼishlangan sheʼrlari, sheʼriy toʼplamlari haqida batafsil maʼlumot berishdi. Shoir sheʼrlari asosida mushoira oʼtkazildi. Slaydlar va film namoyishi, shoirning oʼzi oʼqigan sheʼrlarining qoʼyib eshittirilishi tadbir ishtirokchilarida katta taassurot qoldirdi. Bellashuvda faol ishtirok etgan zukko talabalar fakultet dekanining faxriy yorliqlari hamda kitoblar bilan taqdirlandi.