Prezidentimiz joriy yilning oʼzida milliy gʼoya va maʼnaviyat targʼiboti yoʼnalishida ikkita muhim hujjat – “Oʼzbekiston taraqqiyotining yangi bosqichida milliy gʼoyani rivojlantirish kontseptsiyasini ishlab chiqishga doir chora-tadbirlar toʼgʼrisida”gi farmoyish hamda “Maʼnaviy-maʼrifiy ishlar samaradorligini oshirish boʼyicha qoʼshimcha chora-tadbirlar toʼgʼrisida”gi qarorga imzo chekdi. Bundan koʼzlangan asosiy maqsad milliy tiklanishdan – milliy yuksalishga erishish.Maʼnaviyat boʼlmasa, qonunlar faqat qogʼozlardagina qolib ketadi. Chunki maʼnaviyatli inson mavjud tartib-qoidalarga hurmat bilan qaraydi, huquqiy madaniyatli boʼladi. Lekin bugun inson qadr-qimmati toptalishi, jinoyatlar sodir etilishiga guvoh boʼlayapmiz. Bu aslida maʼnaviyatsizlikdan emasmi?! Maʼnaviyat bu – fidoyilik. Oʼzgalardan, xalqdan, yurtdan hech narsa kutmay, hech bir iddao va ilinjlarsiz shaxs oʼzini rivojlantirishi degani.2019-yil 24-oktabr kuni “Maʼnaviyat festivali” doirasidagi tadbirlarning navbatdagisi Buxoro davlat universitetida boʼlib oʼtdi. Bugungi kunda oʼndan ortiq mutaxassislik boʼyicha 14 mingga yaqin yigit-qiz tahsil olayotgan oliy oʼquv yurtida “Maʼrifat” targʼibotchilar jamiyati aʼzolari, respublikamizning taʼlim-fan, madaniyat va sanʼat arboblari, elimiz nazariga tushgan shoir va yozuvchilar Buxoro davlat universiteti rektori O.X. Xamidov va prorektorlar tomonidan tantanali kutib olindilar.“Maʼrifat” targʼibotchilar jamiyati aʼzolari Oʼzbekiston davlat jahon tillari universiteti kafedra mudiri, siyosiy fanlar doktori, professor Narzulla Joʼraev, Аlisher Navoiy nomidagi Til va adabiyot instituti professori, filologiya fanlari doktori Nodira Egamberdieva, Oʼzbekiston davlat Jahon tillari universiteti kafedra mudiri, filologiya fanlari doktori, professor Oynisa Musulmonova, respublika Xotin-qizlar Qoʼmitasi bosh mutaxassisi, falsafa fanlari doktori, professor Jamila Shermuhammedova, shuningdek, Oʼzbekiston xalq artisti, Oʼzbek Milliy akademik drama teatri aktrisasi Gavhar Zokirova, Oʼzbekistonda xizmat koʼrsatgan artistlar Mehmonali Salimov hamda Rixsivoy Аlieva,taniqli shoir Bobur Bobomurodlar va bir qator viloyatning koʼzga koʼringan maʼrifat vakillaridan tashkil etilib, universitet talaba-yoshlari tomonidan milliy kiyimlarda katta his hayajon bilan kutib olindi.Buxoro davlat universiteti rektori O.X. Xamidov “Maʼrifat” targʼibotchilarini kutib olar ekan, “ilm-fan hamda maʼnaviyat-maʼrifat targʼibotchilarining universitet dargohiga tashrif buyurganligi nafaqat biz uchun balki talabalarimiz uchun kutilmagan, eng oliy baxt” ekanligini taʼkidlab oʼtdilar. Buning uchun albatta Prezidentimiz Sh.M. Mirziyoyevning yoshlarning maʼnaviyati va maʼrifatiga katta eʼtiborlarining mahsulidir. Insonparvarlik, xalqparvarlik, vatanparvarlikni oʼzida mujassamlashtirgan “Maʼrifat” targʼibotchilarining Buxoro davlat universitetiga tashrifi barcha ishtirokchilarda chuqur taassurot qoldirdi.Maqola muallifi: Sh. Radjabova Yoshlar bilan ishlash, maʼnaviyat va maʼrifat boʼlimi uslubshunosiBuxoro davlat universiteti Matbuot kotibi Otabek Jalolov
