2019-yil 20-sentyabr kuni Buxoro davlat universiteti jismoniy madaniyat fakulteti, “Fakultetlararo jismoniy madaniyat va sport” kafedrasi professor- o‘qituvchilari Y.Z. Fayziev, A.K. Ibragimov, R.S. Baymuradov, R.A. Xasanov va iqtidorli 3 bosqich sportchi - talabalari Baxronova Muxarram, (taekvando WTF, kurash bo‘yicha respublika chempioni), Axmedova Sarvinoz, (taekvandoWTF bo‘yicha respublika chempioni) Sunnatova Moxiniso (karate bo‘yicha respublika chempioni) Buxoro viloyati Jondor tumani 22-son umumta’lim maktabi o‘qituvchilari hamda o‘quvchi-yoshlari bilan O‘zbekiston Respublikasi Prezidenti tomonidan ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish bo‘yicha ilgari surilgan 5 ta muhim tashabbusning 2 tashabbusi - yoshlarni jismoniy chiniqtirish va sport sohasida o‘z qobiliyatini namoyon qilishlari uchun zarur sharoitlar yaratib berish masalalari yuzasidan “Sport –bu mening hayotim” mavzusida davra suhbati tashkil qilib o‘tkazildi.So‘zga chiqqan professor-o‘qituvchilar O‘zbekiston Respublikasi Prezidenti Sh.M. Mirziyoyev va Vazirlar Mahkamasi tomonidan O‘zbekistonda “Jismoniy tarbiya va sportni rivojlantirish borasida” chiqarilgan Qaror va Farmonlarning mazmun-mohiyati, yurtimizda o‘sib kelayotgan yoshlarning ma’nan va jismonan sog‘lom bo‘lib voyaga yetishishlari borasida keng ko‘lamda olib borilayotgan ishlar va Buxoro davlat universitetidagi ta’lim yo‘nalishlari hamda iqtidorli sportchi-talabalarimiz, ularning qo‘lga kiritgan yutuqlari borasida so‘z yuritdilar.Sportchi-talabalarimiz esa sportga qo‘ygan ilk qadamlari, ota-onalarining ularga bo‘lgan munosabatlari, erishgan yutuqlari, mag‘lubiyat va g‘alabaning nashidasi, universitetda ularga yaratilgan shart-sharoitlar, eng muhimi sport –ularning hayotida qanday rol o‘ynashini o‘quvchi –yoshlarga so‘zlab berdilar. O‘quvchi-yoshlar tomonidan ularni qiziqtiradigan savollarga tadbir ishtirokchilari javob berdilar.
