Yillar suronimi sochingizdagi oq, Yoki bo‘rning yuqi tegib ketdimi? Ezgulik yo‘lida yorug‘ dilingiz, Ko‘zingiz nuriga singib ketdimi? Shogirdlar har biri o‘g‘il-qizingiz, Oqlaydi siz bergan nonu tuzingiz. Ularning yutug‘i sizning yuzingiz — Shu bois ko‘zda yosh qalqib ketdimi?Ustoz! Shu birgina so`z zamirida olam-olam ma'no va hurmat mujassam. Aziz ustozlar, sizlarni va sizlarning timsolingizda ustoz degan sharafli nomni ulug‘lab, yurtimizdagi barcha o‘qituvchi va murabbiylarni ulug' ayyom bilan chin qalbimizdan samimiy muborakbod etamiz. 30-sentabr kuni ushbu qutlug‘ ayyomni nishonlash maqsadida Buxoro davlat universiteti Xorijiy til va adabiyot (Ingliz tili) yo'nalishi 11-9chi-18, 11-10chi-18, 11-11chi-18, 11-6chi-17 va 11-7chi-17 guruh talabalari tomonidan tadbir uyushtirildi. Tadbir davomida O'zbekiston Respublikasi Presidenti stipendiyasi sovrinini qo'lga kiritgan Xorijiy til va adabiyot (Ingliz tili) yo'nalishi 4-bosqich talabasi Aziza Ziyadullayevani Xorijiy tillar fakulteti dekani filologiya fanlari doktori M.M. Jurayeva va Ingliz adabiyoti kafedrasi mudiri v.b., PhD N.F. Qosimiva tabriklashdi. Tadbir ko'tarinki ruhda o'tib, o'qituvchi hamda talabalarda iliq taassurotlar qoldirdi.
