2019-yilning 8-oktabr kuni Buxoro davlat universitetiga Germaniyaning Bremen davlat amaliy fanlar universiteti Biznes-administratsiya bo'limi boshlig'i professor Dr. Martina Rohrich tashrif buyurdi. Xorijlik mehmonni Buxoro davlat universiteti rektori O.X. Xamidov kutib olib uchrashuv o'tkazdi. Uchrashuvda Xalqaro hamkorlik bo'yicha prorektor A.T. Jo'rayev hamda Xalqaro aloqalar bo'limi boshlig'i M. Qilichevlar ishtirok etishdi. Bremen amaliy fanlar universiteti 1799 yilda tashkil topilgan bo'lib, 66 ta dasturlar asosida 8700 talaba ta'lim oladi. Uchrashuvda ikki universitetlar o'rtasida hamkorlik memorandumini imzolash, ushbu memorandum asosida kelgusida talabalar almashinuvi yo'lga qo'yish, shuningdek, magistratura talabalarini Erasmus+ grant loyihalari asosida Bremen davlat amaliy fanlar universitetiga o'qishga jo'natish kabi masalalar ko'rib chiqildi. Uchrashuv so'ngida Germaniyalik mehmonga universitet rahbariyati tomonidan sovg'alar topshirildi. Buxoro davlat universiteti Matbuot kotibi Otabek Jalolov
