Bugun Buxoro davlat universitetida Xalqaro press klub tomonidan "O`zbekistonda oliy ta`lim tizimi: islohotlarning yangi bosqichi, muammolarning chuqur tahlili va tezkor yechimlar" mavzusida sayyor sessiya o`tkazilishi kutilmoqda. Xalqaro Press-klub (XPK) — nodavlat va notijorat tashkilot hisoblanib, 2017-yilning 7-aprel kuni Adliya vazirligi tomonidan rasman ro‘yxatga olingan. Tashkilotning ustuvor vazifalaridan biri bu — mamlakatimizda yuz berayotgan yangilanishlar yuzasidan davlat organlari, jurnalistlar va jamoatchilik vakillari o‘rtasida ochiq va faol muloqot maydoni yaratishdir.