O‘zbekiston Respublikasi Turizmni rivojlantirish davlat Qo‘mitasi, O‘zbekiston Respublikasi davlat statistika Qo‘mitasi hamda Buxoro davlat universitetining Turizm fakulteti professor-o‘qituvchilari, magistrlari va talabalari 18-19 aprel kunlari mintaqaviy turizm statistikasini shakllantirish maqsadida dala marketing tadqiqotlarini o‘tkazmoqdalar.Tadqiqot ob’ektlari sifatida:1. Sitorai Moxi Xossa Buxoro amirining yozgi saroyi2. Chashmai Ayub maqbarasi3. Ark qo‘rg‘oni4. Labi Hovuz ansabmli tanlangan.Tadqiqot yo‘nalishlari har xil bo‘lib 8 turdagi so‘rovnoma asosida o‘tkaziladi va mintaqaning turistik salohiyatini baholashga qaratilgan. Jumladan, xorijiy va mahalliy turistlarning tashrif maqsadi, yoshi, jinsi, yaratilgan turizm infrastrukturaning qulaylik darajasi, taklif etilayotgan turistik xizmatlardan qoniqish darajasi kabilar aniqlanadi. Ushbu ma’lumotlar asosida yurtimiz sayyohlik salohiyatini yanada yaxshilashga doir ilmiy-amaliy takliflar ishlab chiqiladi. Tadqiqot natijalari mavjud turizm bozorini real baholashda, undagi mavjud muammolarni bartaraf etish bo‘yicha istiqbolli takliflarni ishlab chiqishga xizmat qiladi. Albatta bu tajriba talaba va magistrlarga kelajakda o‘z ilmiy-amaliy tadqiqotlariga qo‘l keladi.Turizm kafedrasi mudiri, dotsent S.Tojiyeva.Mannon Otaboy BuxDU matbuot kotibi
