BuxDU rektori Obidjon Xamidov prorektorlar, dekanlar va bo‘lim boshliqlari bilan bo‘lib o‘tgan yig‘ilishda kunlik va kelgusida qilinadigan ishlar haqida fikr yuritdi.Tonggi yig‘ilishda berilayotgan topshiriqlar bajarilmay qolayotgani, loqaydlik hali-hanuz davom etayotganini tanqid qilib, endi bunday ishlab bo‘lmasligini ta’kidladi. Uyg‘onmay yotgan dekan o‘rinbosarlarini uyg‘otish, o‘zlariga yuklatilgan vazifalarni to‘liq va sifatli bajarishlariga erishish lozim-dedi rektor.Biz yoshlarga ta’lim-tarbiya beramiz, shuning uchun kiyinish, odob-axloq va fidoyilik borasida ularga o‘rnak bo‘lishimiz lozim. Agar shunday bo‘lmasa ulardan kiyinish madaniyati, odob-axloq qoidalarini talab qilib bo‘lmaydi.Shuningdek, Yosh olimlar uchun alohida, ishlash va ilmiy ish qilish uchun barcha shart-sharoitlarga ega xona tayyorlash, shu yerda ilmiy bahs-munozaralar, fikr va g‘oyalar maydonini tashkil etishga e’tibor qaratdi.Olimlarimiz ilmiy salohiyatiga bog‘liq ishlab chiqarish korxonalarida kafedralar filiallarini tashkil etish, ikki tomon manfaatlari yo‘lida hamkorlik iqtisodiy imkoniyatlarimizni mustahkamlashga xizmat qilishini ta’kidladi.Magistratura talabalari davomatini yaxshilash, ularning ilmiy salohiyatidan unumli foydalanish zarur. Qolaversa, Yoshlar kelajagimiz davlat dasturi asosida talabalar va magistrlarga imtiyozli kreditlar olib berish, kerak bo‘lsa talabalar turar joyida tikuv xonalari tashkil etish haqida ham tavsiyalar berdi.Bundan tashqari joriy yil O‘zbekistonda Qozog‘iston yili deb e’lon qilingan. Demoqchimizki, qo‘shni davlatda ham yuksak salohiyatga ega oliygohlar ko‘p. Ular bilan turli ta’lim yo‘nalishida hamkorlik qilish, shartnomalar imzolashga erishish lozim.Mas’ullarga BuxDU qoshida yangi tashkil etilayotgan Agronomiya va biotexnalogiya instituti strukturasi va yo‘nalishlari bo‘yicha hujjatlarni tayyorlash topshirig‘i ham berildi.Mannon OtaboyBuxDU matbuot kotibi
