“El-yurt umidi” jamg‘armasi raisi A.Sh.Bekmurodov Buxoro davlat universitetida viloyatdagi barcha oliygohlarning vakillari bilan uchrashdi.Erkin muloqot tarzida tashkil etilgan uchrashuvni BuxDU rektori A.A.To‘laganov ochib berdi. Jamg‘armani universitet o‘qituvchi-professorlariga berayotgan yordami uchun minnatdorchilik bildirdi.A.Bekmurodov jamg‘armaning joriy yilgi birinchi tanlov yakunlari bo‘yicha o‘z fikr-mulohazalarini bildirdi. Tanlovga 2500 kishi hujjat topshirgan bo‘lsa, ularning 715 nafari konkursgacha yetib keldi-dedi rais. – Buni viloyatlar miqyosida oladigan bo‘lsak. Buxoro viloyati taxminan uchinchi o‘rinlarni band etadi. Bu intilektual salohiyati yuqori bo‘lib kelgan Buxoro uchun yaxshi ko‘rsatkich emas.Birinchi tanlov ancha kamchiliklarimiz borligini ko‘rsatdi. Navbatdagi stipendiyalarimizda bu kamchiliklarni tuzatamiz. Qolaversa, jamg‘arma tanlovlarida ba’zi bir yangiliklar ham joriy etiladi.Rais eng katta muammo til, ya’ni xorijiy tillarni puxta va yuqori darajada biladigan kadrlar kamligini e’tirof etdi. Ayniqsa, turizm rivojlanib borayotgan Buxoro uchun bunday masalalarga mas’uliyat bilan yondashish zarurligiga e’tibor qaratdi.Shuningdek, viloyat hokimliklari bilan maslahatlashib voha uchun qanday kadrlar, mutaxassisliklar kerakligini aniqlab, ularni xorijda o‘qitish choralarini ko‘rish yaxshi samara berishi ta’kidlandi.Bugungi kunda viloyatga ham, mamlakatimizda ham iqtisodiyot, texnika, arxitektura va meditsina sohalari uchun yuqori bilimga ega kadrlar zarurligi sezilmoqda.Ular xorijda o‘qishlari yoki malaka oshirishlari uchun hech bo‘lmasa xorijiy tilda boshlang‘ich muloqotni bilishlari kerak. Buni bilimni o‘zimizdagi oliygohlarda olishliklari kerak. Buning uchun esa malakali professor o‘qituvchilarni ko‘paytirish zarur.Uchrashuv ishtirokchilari bilan ana shunday mavzular atrofida erkin suhbat bo‘ldi. Jamg‘arma raisiga bir qancha takliflar aytildi. A.Bekmurodov professor-o‘qituvchilarning ko‘plab savollariga javob qaytarib "El-yurt umidi" jamg`armasi eng yaxshi loyiha va takliflarni amalga oshirish uchun doimo yordamga tayyorligini bildirdi. Mannon OtaboyBuxDU matbuot kotibi
