Buxoro davlat universitetining talabalar turar joyi binosida viloyatning taniqli va mashhur shaxslari bilan tez-tez uchrashuvlar o‘tkazib turiladi. Kecha darsdan xuddi shunday navbatdagi uchrashuv Buxoro musiqali drama teatri sahnalashtiruvchi rejissyori, O‘zbekistonda xizmat ko‘rsatgan artist Nodira Mo‘minova va usta hamda hunarmand, bir qancha xalqaro ko‘rgazmalar g‘olibi, shuhrat medali sohibi, qolaversa BuxDUning 42 yil oldingi sobiq talabasi Baxshillo Jumayevlar bilan bo‘lib o‘tdi.Uchrashuv qahramonlari talabalarga bugun yoshlarimizga yaratilgan shart-sharoitlar, Prezidentimizning Buxoroga qilgan tashriflari va tashrif samarasi, alalxusus yurtga har tomonlama yetuk va sog‘lom kadrlar kerakligi to‘g‘risida fikr-mulohazalar bildirdilar.O‘zlarining qiyin va mashaqqatli hayot yo‘llaridan misollar aytib, bugungi dorilomon qadriga yetib, beminnat imkoniyatlardan samarali foydalanish zarurligini ta’kidlashdi.Ma’naviy-ma’rifiy tadbir dilga yaqin kuy-qo‘shiqlar bilan nihoyasiga yetdi.Mannon OtaboyBuxDU matbuot kotibi
