Buxoro davlat universiteti tuzilmasidagi Qatag’on qurbonlari xotirasi muzeyi direktori, O’zbekiston Respublikasi Tarixchilar jamiyati Buxoro viloyat bo’limi raisi А.H.Hamroev Qarshi davlat universiteti tuzilmasidagi Qatag’on qurbonlari xotirasi muzeyi direktori Dilnavoz Rahmatovaningtaklifiga binoan “Аbdulla Tanburiyning 125 yilligiga bag’ishlangan” Respublika ilmiy, ma'rifiy – ma'naviy konferentsiyasida eshtirok etdi. Konferentsiyada Qarshi davlat universiteti professor-o’qituvchilari, Аbdulla Tanburiyning qarindoshlari, talabalar va jamoatchilik tashkilotlari vakillari ishtirok etishdi. O’zR VM huzuridagi Qatag’on qurbonlari xotirasi davlat muzeyi direktori t.f.d.prof. Baxtiyor Hasanov ham ishtirok etib, konferentsiya ishtirokchilariga Respublikamizda Qatag’on qurbonlari xotirasiga bag’ishlab ochilgan oliygohlar tuzilmasidagi muzeylar va ularnig faoliyati haqida ma'ruza qildi. So’ng Аbdulla Tanburiyning hayoti va ijodiga bag’ishlangan ma'ruza va qarindoshlarining xotiralari tinglandi.Konferentsiyaning badiiy qismida Qarshi ixtisoslashtirilgan san'at maktabi o’quvchilari tomonidan “O’lmas e'tiqod” nomli spektakl namoyish etildi. Spektakl yuqori professional mahorat bilan ijro etildi. Hurmatli Prezidentimizning beshta tashabbuslaridan birinchi ham yoshlarimizni san'at va teatrga jalb etish hisoblanadi. Shundan kelib chiqib ushbu teatr jamoasini BuxDUga taklif etib, talabalarga sahna asari orqali Qatag’on yillari va uning qurbonlari haqida jonli tasavvur hosil qilishning amaliy yo’llarini izlashga kelishib olindi. Qarshi davlat universiteti tuzilmasidagi Qatag’on qurbonlari xotirasi muzeyi direktori Dilnavoz Rahmatovaning tashabbusi bilan sahnalashtirilgan ushbu ijodiy ish boshqa oliygohlar uchun ham namuna bo’lib xizmat qiladi.
