2017 yil 27 fevral kuni Buxoro Davlat Universitet Pedagogika fakulteti kasaba uyushmasi, Pedagogika kafedrasi mudiri Sh. Olimov, katta o’qituvchilar L.S.Eliboeva, Z.Yo’ldosheva, G.Habibova, O’.Qurbonova, G.Izbullayeva, B.Jo’rayev, D.Tosheva, G.Ergasheva, H.Ismatova, Pedagogika psixologiya ta’lim yo’nalishi 1-kurs talabalari musiqa ta’lim yo’nalishi 3-kurs talabalari ishtirokida Buxoro shahar Bolalar uyida “Biz buyuk yurt farzandlarimiz” mavzusidagi tadbir o’tkazildi.Buxoro davlat universiteti Pedagogika kafedrasi katta o’qituvchisi L.Eliboyeva bugungi tadbir bilan bolajonlarni tabriklab tadbirni ochdi. Pedagogika psixologiya ta’lim yo’nalishi talabalari Vatan, tinchlik, do’stlik to’g’risidagi she’rlar, ”Ertaklar - yaxshilikka etaklar” mavzuidagi sahnalashtirilgan chiqishlari, o’zbek xalqi donoligini o’zida mujjassam etgan topishmoqlarini ijro etib bolajonlarga olam-olam shodlik ulashdilar, 3-kurs musiqiy ta’lim yo’nalishi talabalarining ”Kim epchilu, kim chaqqon” musiqali o’yinida bolajonlar juda faol ishtirok etishdi. Shundan so’ng, bolajonlar o’zlarining she’rlari va musiqiy raqslar bilan o’z mahoratlarini namoyish etishdi. Pedagogika kafedrasi o’qituvchilari esdalik sovg’alari berdilar. Tadbir oxirida Buxoro shahar Bolalar uyi jamoasi tadbir tashkilotchilariga o’z minnatdorchiliklarini bildirdilar. Tadbir Buxoro shahar Bolalar uyi pedagog-tarbiyachilari va bolajonlarga katta ta’surot qoldirdi.
