Buxoro davlat universitetida ilm-fan taraqqiyotini yuksaltirishdagi roli va hissasini e`tirof etgan holda 1 oktyabr – “O`qituvchi va murabbiylar kuni” umumxalq bayrami munosabati bilan ko`p yillar samarali mehnat qilgan, ma`naviy barkamol va vatanparvar yoshlar ta`lim-tarbiyasiga katta ulush qo`shib kelayotgan zahmatkash, bilimdon va izlanuvchan, tashabbuskor, yuksak kasbiy mahoratga ega pedagog kadrlar uchun joriy yilning 29 sentyabr’ kuni Buxoro davlat universiteti faollar zalida “Sharaflaymiz sizni, aziz ustozlar!” mavzuida badiiy-musiqiy kecha o`tkazildi. Tadbir ikki qismda tashkil etilib, birinchi qismida universitet o`quv, ilmiy va ma`naviy-ma`rifiy hayotida alohida jonbozlik ko`rsatgan bir guruh faol professor-o`qituvchilar universitet ma`muriyati va xodimlar kasaba uyushmasi tomonidan “Faxriy yorliq” hamda qimmatbaho sovg`alar bilan taqdirlandi. Ikkinchi qismida “Buxoro navolari” badiiy jamoasi hamda Pedagogika, Filologiya, Jismoniy madaniyat, Turizm fakul’tetlari tomonidan tayyorlangan badiiy-musiqiy kompozitsion dastur namoyish etildi
