Tadbirni Tabiiy fanlar fakulteti dekani H.T.Artikova kirish so’zi bilan ochib, “2016 yil Prezidentimiz tomonidan “Sog’lom ona va bola yili” deb e’lon qilindi. Kimyo kafedrasi katta o’qituvchisi Z.Q.Qodirova, kafedra dosenti G.A.Xudoynazarova Kimyo ta’lim yo’nalishi 3 kurs A va B guruh talabalari tomonidan tashkil etilgan bugungi“Bahor tarovati – kimyogar qizlar nigohida” mavzusidagi qizlar davrasi tadbiriham mana shu “Sog’lom ona va bola yili”ga bag’ishlangandir. Men bugungi tadbir ishtirokchilarini, tashkilotchilarni va barcha mehmonlarni bahor bayrami bilan tabriklayman. Hammalaringizga sog’lik, baxt, omad va oilalaringizga tinchlik tilayman. Men o’ylaymanki, bugungi tadbirda talabalarimiz faol ishtirok etadilar va u chiroyli o’tadi.Shundan so’ng kimyo kafedrasi mudiri M.R.Amonov so’zga chiqib, - “Bugungi kunda yoshlarimizga juda keng imkoniyatlar yaratilgan. Yoshlarimiz nafaqat fan sohasida, balki ma’naviy-ma’rifiy tadbirlarda ham faol ishtirok etib, o’zlarining har tomonlama etukligini namoyon qilmoqdalar. Bu ishtirokchi qizlarimiz kimyo ta’lim yo’nalishi talabalari orasida o’zlarining namunaviy xulqi, odob-axloqi va bilimi bilan ajralib turadi. Bugungi tadbirda esa ularning iqtidorini yana bir bor ko’rishga muyassar bo’lamiz” –deb aytdi. [widgetkit id=75]Keyin ishtirokchi qizlar davraga taklif etildi. Ular: 1-shart. Tanishtiruv. Ishtirokchi o’zi to’g’risida, ixtisosligidan kelib chiqqan holda ijodiy va ilmiy izlanishlari haqida ma’lumot berdi. Ishtirokchining kiyinish madaniyati, nutq madaniyati va ijodkorligi inobatga olindi.Ushbu shartga 5 daqiqa vaqt berildi va 5 ballik tizimda har bir hakam tomonidan baholandi. 2-shart. Pazandachilik mahorati. Bu shartda ishtirokchi qizlar pazandachilik borasidagi mahoratlarini somsa uchun oldindan tayyorlangan xamirni yoyish va did bilan chiroyli bukish orqali namoyon qildilar. Bunda qizlarning sanitariya-gigiena qoidalariga rioya qilishlari, oshxonada ishlashga mos kiyimda bo’lishlari, somsalarni tez, chiroyli, did bilan bukishlari talab qilindi.Ushbu shartga 10 daqiqa vaqt berildi va 5 ballik tizimda har bir hakam tomonidan baholandi. 3- shart. Chevarlik mahorati. Bu shartda ishtirokchi qizlar o’zlarining tikuvchilikka oid ko’nikmalarini tugmani o’tkazish o’rnini tikib berish orqali namoyon qildilar. Bunda qizlarga bir xil o’lchamda qirqilgan mato berildi. Ulardan chiroyli, nafis, bir tekis qilib tugma o’tkazish o’rnini (petlya) tikishlari talab qilindi.Ushbu shartga 5 daqiqa vaqt berildi va 5 ballik tizimda har bir hakam tomonidan baholandi. 4-shart. Bahoriy salatni bezash. Bu shartda ishtirokchi qizlar Bahoriy salat uchun kerakli masalliqlarni oldindan tayyorlab kelishlari shart edi. Ularni likopchaga chiroyli, did bilan bezashlari va tayyorlagan salatlariga nom berib, uni ta’riflashlari lozim bo’ldi. Qizlarning sanitariya-gigiena qoidalariga rioya qilishlariga ham e’tibor berildi.Ushbu shartga 10 daqiqa vaqt berildi va 5 ballik tizimda har bir hakam tomonidan baholandi. 5-shart. Erkin mavzu. Bunda ishtirokchi qizlar o’zlari istagan mavzuda chiqish qilib (she’r, qo’shiq, raqs, sahna ko’rinishi va b.q) bo’yicha o’z iqtidorlarini namoyon etdilar. Unda ularning a’lo xulqi, zukkoligi, muvaffaqiyatlari, noyob iste’dodlari inobatga olindi. Ushbu shartga 5 daqiqa vaqt berildi va 5 ballik tizimda har bir hakam tomonidan baholandi. Tanlov shartlaridan kelib chiqib, “Eng latofatli”, “Eng chevar”, “Eng pazanda”, “Eng chaqqon”, “Eng iqtidorli” nominasiyalari bo’yicha g’oliblar e’lon qilindi. Barcha shartlar bo’yicha umumiy ballar.T.RFISh1-shart2-shart3-shart4-shart5-shartJami ballO’rin1.Nabieva Shamsiya192325252411612.Xayrullaeva Dilfuza162525252511613.Nurullaeva Farangiz252120252411524.Farmonova Aziza251919212010435.Sayfieva Shahodat21251919201043 G’oliblarni taqdirlash Tanlov g’olibi va ishtirokchilari fakultet dekani, tadbir tashkilotchilari hamda universitet “Kamolot” YoIH BT tomonidan rag’batlantirildi.
