Universitetimizda Yevropa Komissiyasining Erasmus+ dasturi doirasida "TALENT: “Establishing Master Programmes in HRM and Talent Development in Central Asia - Markaziy Osiyoda inson resurslari menejmenti va kasbiy ko‘nikmalarni rivojlantirish" dasturi doirasida ish olib borilmoqda. 2018-2021 yillar davomida amalga oshiriladigan ushbu loyihaning asosiy maqsadi - "Inson resurslari menejmenti" magistatura dasturini yo‘lga qo‘yishdir.
BuxDU xalqaro hamkorlik bo‘yicha prorektor A.T. Jo‘rayev, "Iqtisodiyot" kafedrasi dotsenti X.I. Mo‘minov hamda ushbu kafedra o‘qituvchisi A. Sherov Qozog‘istonning Nur-sultan shahrida joylashgan Nazarboyev nomli universitetda o‘tkazilgan navbatdagi yig‘ilishda ishtirok etib qaytishdi.
Ishchi guruh yig‘ilishida magistratura mutaxassisligi o‘quv rejasiga kiritiladigan 8 ta asosiy fan bo‘yicha o‘quv dasturlari muhokama qilindi. Magistratura mutaxassisliklari o‘quv rejasidagi mutaxassislik fanlari to‘rtta yo‘nalishga (strategik, tashkiliy, huquqiy va amaliy) ajratilgan bo‘lib, har bir yo‘nalish mos ravishda 2 ta mutaxassislik fanini o‘z ichiga qamrab oladi. Har bir hamkor universitet o‘z guruhlari tomonidan alohida e'tibor bilan tayyorlangan o‘quv dasturlarini taqdim etishdi. Dasturlarning ba'zi qismlariga fikr-mulohazalardan so‘ng o‘zgartirishlar kiritildi va mukammal shaklga keltirildi, OTMlardagi koordinatorlar tomonidan loyiha a'zolarining faoliyati baholandi va 2020-yilgi ish rejasi kelishib olindi.
Nazarboyev universitetida tashkil etilgan konferensiyada A.T.Jo‘rayev O‘zbekiston mehnat bozoridagi tendensiyalar haqidagi taqdimoti bilan ishtirok etdi.
Universitetimiz ishchi guruhi shuningdek O‘zbekistonning Qozog‘isondagi elchixonasi tomonidan respublikamiz mustaqilligining 28 yilligi munosabati bilan dimplomatik korpus hamda OAV vakillari uchun uyushtirgan tantanali qabul marosimida ham ishtirok etdi. Tadbir davomida mamlakatimizning Qozog‘istondagi favqulodda va muxtor elchisi Saidikrom Niyozxo‘jayevga BuxDU nomidan esdalik sovg‘asi topshirildi. Elchi S.Niyozxo'jayev ushbu sovg‘a elchixonamizda tashkil qilingan ko‘rgazmalar qatorida munosib o‘rin egallashini mamnuniyat bilan qayd etib o‘tdi.
