29.04.2026

Buxoro davlat universiteti Filologiya fakultetida yosh avlodda iqtisodiy bilimlarni mustahkamlash, ularni moliyaviy huquqbuzarliklar hamda yashirin iqtisodiyotga qarshi murosasiz ruhda tarbiyalash, halollik va sog‘lom dunyoqarashni shakllantirish maqsadida ma’naviy-ma’rifiy tadbir tashkil etildi.

Jumladan, 6-1Mam23 guruhida “Sun’iy intellektning zulmatli tomoni” mavzusida davra suhbati o‘tkazildi. Tadbir davomida sun’iy intellekt texnologiyalarining salbiy jihatlari, xususan, yolg‘on axborotlar tarqalishi, kiberfiribgarlik, shaxsiy ma’lumotlar xavfsizligi bilan bog‘liq muammolar hamda ularning jamiyatga ta’siri atroflicha muhokama qilindi.

Davra suhbatida talabalarga zamonaviy axborot texnologiyalaridan oqilona foydalanish, moliyaviy firibgarliklardan ogoh bo‘lish va iqtisodiy savodxonlikni oshirish bo‘yicha zarur tavsiyalar berildi. Shuningdek, halollik tamoyillariga sodiq qolish, noqonuniy faoliyatlarga nisbatan murosasiz munosabatda bo‘lish muhimligi alohida ta’kidlandi.

Tadbir yakunida talabalar o‘zlarini qiziqtirgan savollarga javob olib, mavzu yuzasidan fikr almashdilar. Mazkur davra suhbati yoshlar ongida sog‘lom dunyoqarashni shakllantirish hamda ularning iqtisodiy va axborot xavfsizligi borasidagi bilimlarini mustahkamlashga xizmat qildi.