13.04.2026

Buxoro davlat universitetida talabalar o‘rtasida kiberxavfsizlik madaniyatini oshirish maqsadida keng qamrovli targ‘ibot tadbirlari tashkil etildi. Tadbirlar doirasida mutaxassislar tomonidan zamonaviy axborot tahdidlari, internet tarmog‘ida xavfsiz ishlash qoidalari hamda shaxsiy ma’lumotlarni himoya qilish usullari haqida batafsil ma’lumotlar berildi.

Targ‘ibot jarayonida talabalar uchun maxsus seminar va treninglar o‘tkazilib, unda fishing (soxta havolalar orqali ma’lumot o‘g‘irlash), zararli dasturlar, ijtimoiy muhandislik kabi tahdidlar va ulardan himoyalanish choralariga alohida e’tibor qaratildi. Shuningdek, kuchli parollar yaratish, ikki bosqichli autentifikatsiyadan foydalanish va shaxsiy qurilmalarni himoyalash bo‘yicha amaliy tavsiyalar berildi.

Tadbir davomida talabalar faol ishtirok etib, o‘zlarini qiziqtirgan savollarga mutaxassislar tomonidan atroflicha javob oldilar. Interaktiv tarzda tashkil etilgan mashg‘ulotlar orqali talabalarning kiberxavfsizlik sohasidagi bilim va ko‘nikmalari yanada mustahkamlandi.

Mazkur targ‘ibot tadbirlari yoshlar orasida axborot xavfsizligi madaniyatini shakllantirish, ularni turli kiberxurujlardan himoyalash hamda raqamli texnologiyalardan xavfsiz foydalanish ko‘nikmalarini rivojlantirishga xizmat qiladi.