28.04.2026

28-aprel kuni Buxoro davlat universiteti Tarix va yuridik fakultetida muhim ma’naviy-ma’rifiy tadbir tashkil etildi. 5-1-yuris-24 guruh talabalari hamda Yurisprudensiya kafedrasi o‘qituvchisi M. Jabborov hamkorligida “Sun’iy intellektning zulmatli tomoni” mavzusida davra suhbati o‘tkazildi.

Davra suhbatining asosiy maqsadi yosh avlodda iqtisodiy bilimlarni mustahkamlash, ularni moliyaviy huquqbuzarliklar va yashirin iqtisodiyotga qarshi murosasiz ruhda tarbiyalash, halollik va sog‘lom dunyoqarashni shakllantirishdan iborat bo‘ldi. Shuningdek, sun’iy intellekt imkoniyatlaridan noqonuniy maqsadlarda foydalanish, xususan, moliyaviy firibgarlik holatlari va ularning oldini olish masalalari atroflicha muhokama qilindi.

Tadbir davomida Kiberxavfsizlik doirasida axborot xavfsizligi tushunchasiga ham alohida e’tibor qaratildi. Talabalarga shaxsiy va moliyaviy ma’lumotlarni himoya qilish, ishonchsiz manbalardan foydalanmaslik, kuchli parollar yaratish hamda raqamli muhitda ehtiyotkor bo‘lish bo‘yicha zarur tavsiyalar berildi.

Uchrashuv jarayonida savol-javoblar tashkil etilib, talabalar o‘zlarini qiziqtirgan masalalar yuzasidan mutaxassislardan batafsil javob oldilar. Mazkur davra suhbati yoshlarning iqtisodiy, huquqiy va axborot xavfsizligi borasidagi bilimlarini oshirish, ularni zamonaviy tahdidlardan himoyalashga xizmat qildi.